Aımaqtar • 23 Qyrkúıek, 2020

Kókshetaýda ruqsat etilmegen qoqys úıindileri kóbeıgen

17 ret kórsetildi

Tabıǵaty tamyljyǵan Kókshetaý qalasynyń tóńireginde ruqsat etilmegen qoqys úıindileri jyl ótken saıyn kóbeıip keledi. Ormandy alqaptyń ishinde beı-bereket shashylǵan qoqys sál ǵana jel tursa boldy, tóńirektiń bárin bylǵaıdy, dep habarlaıdy Egemen.kz

Qoqysty óńdeý men suryptaý kóńildegideı emes. Sońǵy alty aıdyń ishinde 138 myń tonna qoqys jınalǵan. Sonyń nebary 3 prosenti ǵana qaıta óńdelipti. Qalǵany aıaq astynda beı-bereket shashylyp jatyr.

Oblys aýmaǵynda 130 turmystyq qatty qaldyqtar polıgonynyń zańdastyrylǵan jer aktisi bar. Onyń tek 20 prosenti ǵana ekologııalyq, sanıtarlyq talaptarǵa saı jumys isteýde. Demek, qoqys oryndarynyń kóp ekendigi kózge kórinip turǵan joq pa? Eń bastysy, qaldyqtardy jeke suryptaý jáne qaıta óńdeý júıesiniń  jolǵa qoıylmaýynda bolyp otyr, deıdi oblystyq ekologııa departamenti basshysynyń orynbasary Erjan Ahmetov.

"Ǵarysh sapary" ǵaryshtyq monıtorıngtiń nátıjesinde oblys kóleminde 1593 qoqys orny anyqtalyp otyr. Onyń 854-i ekologııa departamentiniń jandy jumysynyń nátıjesinde joıylǵan. Mamandardyń aıtýyna qaraǵanda, qazirgi kúni barlyq talaptarǵa saı jumys isteıtin 26 ǵana polıgon bar eken. О́zgeleriniń talapqa saı kelmeýi, óńirdegi epıdemııalyq problemalardy ýshyqtyrýy ábden múmkin.

–Bıyl qala irgesindegi Krasnoıar aýylynda qoqys úıindileri birneshe márte órtenip, birsypyra másele týǵyzdy,–deıdi Kókshetaý qalasy ákiminiń orynbasary Erbol Tóleýov,–bul seloda jumys istep turǵan polıgon "Eko-Dump" kompanııasynyń menshigi. Jańa polıgon salynǵansha, osyny qoldanamyz.

El úmittenip otyrǵan jańa qoqys zaýyt qurylysynyń quny 6 mıllıard 700 mıllıon teńge. Ázirge jobasy ǵana bar. Barlyq ekologııalyq talaptarǵa saı keletin atalmysh joba júzege asqansha, Krasnoıar aýylyndaǵy polıgonnyń aýmaǵy qajettiligine oraı keńeıtile túspek. Ekologtar bolsa, qoqys qaldyqtaryn suryptap, qaıta óńdeý eń durys sheshim dep otyr. Ol úshin jalǵyz oblys ortalyǵynda ǵana emes, aýdandarda da qaıta óńdeýge bolatyn qaldyqtardy jınaqtap, satyp alatyn bólimsheler kóbeıýi tıis. Osylaı bolǵanda arnaıy qurylys salǵannan arzanǵa túsedi.

О́ńirde osy bir máselege jetkilikti kóńil bólinse, Kóksheniń kórki bastapqy pák, taza qalpyna kelip qalýy ábden múmkin.

Kókshetaý qalasy      

Sońǵy jańalyqtar

Almatyda jer silkindi

Qazaqstan • Búgin, 16:48

Bıyl Qazaqstanda qys qandaı bolady?

Aýa raıy • Búgin, 16:37

Medeý men Shymbulaq qashan ashylady?

Aımaqtar • Búgin, 15:58

Elengen erlik

Aımaqtar • Búgin, 13:22

Qarashada kún sýytady

Aýa raıy • Búgin, 11:59

Shyǵys Qazaqstanda qus tumaýy tirkeldi

Aımaqtar • Búgin, 11:36

Dollardyń búgingi baǵamy belgili boldy

Ekonomıka • Búgin, 11:22

Uqsas jańalyqtar