"Búgingi tańda qazaqstandyqtar 11 elge bara alady. Siz shet memleketter qandaı talaptardy qoıatynyn bizdiń kesteden bile alasyz", dep habarlaıdy QR SIM resmı ókili Aıbek Smadııarov.
Kestede PTR-test qajet pe, qandaı da bir elge kelgen soń karantınge jatqyzyp tastaı ma, ózimen birge qandaı qujat alyp júrý qajet, vıza qajet pe, joq pa osy jáne ózge de talaptar kórsetilgen.
"Bul aqparat jańartylyp otyrady, sondyqtan saparyńyzdy josparlaý kezinde shet memleketterdiń talaptaryn muqııat zerdeleýdi suraımyz", dep málim etti SIM resmı ókili.
Aıta keteıik, qazaqstandyqtar ushyp bara alatyn 11 memlekettiń qatarynda Belarýs, Birikken Arab Ámirlikteri, Germanııa, Mysyr, Nıderland Koroldigi, Koreıa Respýblıkasy, Qyrǵyzstan, О́zbekstan, Túrkııa, Ýkraına jáne Reseı bar.
Vedomstvo jasaǵan kestemen myna siltemede tolyq tanysa alasyz.
