Aımaqtar • 23 Qyrkúıek, 2020

Bastaýdaǵy bereke

7 ret kórsetildi

El eńsesin kóterýge "Aýyl – el besigi" memlekettik baǵdarlamasynyń sharapaty tıip-aq tur. Baǵdarlama boıynsha bólingen mol qarjy talaı eldi mekenniń ajaryn ashyp, áleýmettik-turmystyq jaǵdaıyn jaqsarta túsýde. Buryn aýylda jaǵdaı joq dep ańsary qalaǵa aýyp turatyn jastar endi týǵan jerinde tútin tútetip otyr, dep habarlaıdy Egemen.kz.

Myń jarymnan astam turǵyny bar Bastaý aýyldyq okrýginde jumys qaınap jatyr. Qys qamyna kirisken aýyl turǵyndary úı jaılary men mal qoralaryn sylap-syrlap, qapysyz qamdanýda. Tórt qubylada tegis  jınaqy qoldyń taby anyq baıqalady. Minsiz tazalyqtyń muraty osyndaıda kórinedi eken. Shynyn aıtqanda, alystan qarasańyz, úıi qaısy, qorasy qaısy ekendigin aıyra almaısyz. Ekeýi de jaınap tur.

Mine, mynaý salynyp jatqan jastar ortalyǵy. Qurylys alańynda qazir 25 adam qaýyrt jumys istep jatyr. Qońyr kúzdiń árbir ashyq sátin paıdalanyp, jumysqa jumylǵan qurylysshylardyń eńbegi ónik. Aýyl ortasyndaǵy úsh qabatty etip salynýy kózdelgen ǵımarattyń jalpy aýmaǵy bir jarym myń sharshy metrdi quraıdy. Osy jerde kınoteatr, bı zaly, mektep oqýshylary men aýyl jastaryna arnalǵan birneshe úıirmeler jumys isteıtin bolady. Qaladan qaı jeri kem? Qaıta kindik qany tamǵan topyraqta ornyǵyp otyryp, el ıgiligine úles qosqan áldeqaıda tartymdy emes pe? Shyndyǵynda ótpeli kezeńniń ókpek jeline tótep bergen bul okrýgten turǵyndardyń qonys aýdarýy buryn da  sırek bolatyn. Onyń bir sebebi, turaqty jumystyń barlyǵy, ekinshiden, eldi mekenderde áleýmettik-turmystyq jaǵdaı týdyrylýy. Endi onyń ústine dáýletti elde sáýletti jastar ortalyǵy salynsa, el berekesi eselene túspek.

"Aýyl – el besigi" baǵdarlamasy aıasynda úsh birdeı joba júzege asyrylýda", deıdi aýyldyq okrýgtiń ákimi Azamat Qaıyrjan, – bilim oshaǵyna kúrdeli jóndeý jumystary júrgizilip, óńi kirip qaldy. Jastar ortalyǵy salynyp jatyr, eldi mekenderdiń kósheleri tap-tuınaqtaı etilip jóndelip, ózgeshe keıipke endi. Osynyń barlyǵy memleket qamqorlyǵy deýimiz kerek. О́ńi jaqsylyq jaǵynan ózgergen aýylǵa jastar da kele bastady. Endi medısına qyzmetkerleri keledi degen úmittemiz. Aýylǵa at basyn turǵan jas mamandarǵa baspana daıyn.

Búgingi tańda 385 otbasy tútin tútetip jatqan Bastaýdaǵy bilim oshaǵy eki tilde tálimdi tárbıe, berik bilim berýde. №1 orta mekteptiń janyndaǵy sport zaly men birneshe synyptarǵa kúrdeli jóndeý jumystaryn júrgizip, jarqyratyp qoıypty. Ishi kirse-shyqqysyz.    

"Memleket tarapynan qolǵa alynǵan baǵdarlama aýyl adamdary úshin bir ǵanıbet qamqorlyq boldy", deıdi №1 orta mekteptiń dırektory Aıgúl Jurymbaeva, – byltyr balalar, fýtbol, hokkeı alańdary salynǵan bolatyn. Bıyl saltanat zaly, mektep dálizi jóndeýden ótkizildi.

Memlekettik baǵdarlama aıasynda jalpy uzyndyǵy alty shaqyrymǵa jýyq aýyl kóshelerine asfalt tóselýde. Bul maqsatqa bıýdjetten 140 mıllıon teńge qarajat qarastyrylypty. Aýyl turǵyny Qýanhan Bekseıitovtyń aıtýyna qaraǵanda, el qamqorlyqtyń jylýyn sezine bastaǵan. ózderi de ortaq qazynaǵa úles qosýǵa ábden yntaly. Balalarynyń bilim alatyn eki mektebiniń de jóndeýden ótkizilýi ata-analardyń rızashylyǵyn týǵyzyp otyr. Bir aıta keterligi, el mereıin ósiretin osyndaı izgilikti sharýanyń basy-qasynda júrgenderdiń deni jastar.

Bastaýdaǵy bereke el-jurttyń eńsesin kóterýge sebepshi. Týǵan jerdiń tútininiń túzý ushýy kimge bolsyn qýanysh emes pe?!

 

Aqmola oblysy,

Atbasar aýdany. 

Sońǵy jańalyqtar

Almatyda jer silkindi

Qazaqstan • Búgin, 16:48

Bıyl Qazaqstanda qys qandaı bolady?

Aýa raıy • Búgin, 16:37

Medeý men Shymbulaq qashan ashylady?

Aımaqtar • Búgin, 15:58

Elengen erlik

Aımaqtar • Búgin, 13:22

Qarashada kún sýytady

Aýa raıy • Búgin, 11:59

Shyǵys Qazaqstanda qus tumaýy tirkeldi

Aımaqtar • Búgin, 11:36

Dollardyń búgingi baǵamy belgili boldy

Ekonomıka • Búgin, 11:22

Uqsas jańalyqtar