Bastapqy kezeńde Nur-Sultan – Máskeý baǵyty boıynsha "Eır Astana" jáne "Aeroflot" áýe kompanııalary aptasyna bir reısten oryndaıdy.
"Eır Astana" áýekompanııasy 26 qyrkúıekten, "Aeroflot" 27 qyrkúıekten bastap áýe reısin oryndaýdy josparlap otyr.
Reıster Qazaqstan men Reseıdiń sanıtarlyq-epıdemıologııalyq normalaryn qatań saqtaı otyryp jáne áýe kompanııalarynyń saıttarynda jarııalanǵan kestege sáıkes oryndalady.
QR Bas memlekettik sanıtarlyq dárigeriniń talaptaryna sáıkes Reseıden Qazaqstanǵa keletin jolaýshylar úshin birqatar talap qoıyp otyr:
- termometrııa;
- saýalnama;
- alǵan sátten bastap Qazaqstan Respýblıkasynyń memlekettik shekarasyn kesip ótý kezinde 5 táýlikten aspaıtyn ýaqyt ótken, PTR ádisimen zerthanalyq tekserýdiń teris nátıjesi bar COVID-19-ǵa tekserilgeni týraly anyqtama bolǵan jaǵdaıda – shekteýsiz; anyqtama bolmaǵan jaǵdaıda – kelgen jeri boıynsha PTR ádisimen COVID-19-ǵa zerthanalyq tekserý nemese 14 kúnge úı karantıni.
