Qoǵam • 23 Qyrkúıek, 2020

Qazaqstan polısııasy servıstik modelge kóshýde

18 ret kórsetildi

Halyqaralyq tájirıbede servıstik polısııanyń tujyrymdamasy qabyldandy, dep habarlaıdy Egemen.kz IIM baspasóz qyzmetine silteme jasap.

Osy strategııa sheńberinde polısııa qoǵammen tyǵyz ózara is-qımyl jasaýǵa, polısııa qyzmetiniń tıimdiligi jáne naqty aýmaqta turatyn turǵyndardyń qaýipsizdigi máseleleriniń basymdylyǵy týraly halyqtyń pikirin eskere otyryp, qaýipsizdik máselelerin birlesip sheshýge baǵyttalǵan belsendi jumys modeline baǵdarlanady.

Qyzmetke baǵyttalǵan polısııa qyzmeti – bul polısııa men qoǵamǵa qylmysty ashýda, quqyq qorǵaý jáne qaýipsizdik máselelerin sheshýde yntymaqtastyqtyń jańa ádisterin qoldanýǵa múmkindik beretin model. Ol eki negizgi quramdas bólikke negizdelgen: polısııanyń ádisteri men tájirıbesin ózgertý jáne polısııa men qoǵam arasynda syndarly qarym-qatynas ornatý úshin sharalar qabyldaý.

Bul modeldiń máni qoǵam músheleriniń qaýipsizdik máselelerin anyqtaý prosesine belsendi qatysýy bolyp tabylady. Azamattardy tartý aıasynda quqyq buzýshylyqtardyń aldyn alý jáne qylmysqa qarsy kúres boıynsha keńeıtilgen kózqaras oryn alady, bul búkil polısııa qyzmetine tereń ózgerister engizýge ákep soǵady.

Tıimdilikke qol jetkizetin bul tásil barlyq polısııa qyzmetteri tarapynan da, ózara is-qımyl men osy prosestegi óz úlesteriniń nátıjelerin baıqaı alatyn jurtshylyq tarapynan da maqsatty qoldaýdy kózdeıdi.

«Polısııanyń servıstik modeliniń» negizin sıpattaýǵa bolatyn negizgi qaǵıdat – Polısııa – bul halyq, al halyq – bul polısııa.

«Qazir Qazaqstanda óziniń ulttyq modelin qurý júrip jatyr. Biz polısııa – bul azamattardyń problemalaryn sheshetin jáne kómektesetin qyzmet dep sanaımyz. Qoǵamdyq qaýipsizdikti qamtamasyz etýdiń «servıstik» formatyna kóshý úshin ótken jyldan bastap Qaraǵandy oblysynda pılottyq joba bastaldy. Onyń maqsaty – qoǵamdyq qaýipsizdikti qamtamasyz etý máselelerinde jergilikti qaýymdastyqpen áriptestik qatynastar ornatý. Jaqyn arada osyndaı joba elordada jumys isteı bastaıdy», - dep atap ótti IIM Kadr saıasaty departamentiniń bastyǵy Aıdar Saıtbekov Almaty IIM akademııasy bazasynda ótken jańa jaǵdaıdaǵy polısııa máselesin talqylaý barysynda.

Sońǵy jańalyqtar

Almatyda jer silkindi

Qazaqstan • Búgin, 16:48

Bıyl Qazaqstanda qys qandaı bolady?

Aýa raıy • Búgin, 16:37

Medeý men Shymbulaq qashan ashylady?

Aımaqtar • Búgin, 15:58

Elengen erlik

Aımaqtar • Búgin, 13:22

Qarashada kún sýytady

Aýa raıy • Búgin, 11:59

Shyǵys Qazaqstanda qus tumaýy tirkeldi

Aımaqtar • Búgin, 11:36

Dollardyń búgingi baǵamy belgili boldy

Ekonomıka • Búgin, 11:22

Uqsas jańalyqtar