Aımaqtar • 23 Qyrkúıek, 2020

Almatyda jalǵyz júrgen qyzdardy tonap kelgen er adam ustaldy

185 ret

kórsetildi

1 mın

oqý úshin

Almaty qalasynda 26 jastaǵy A esimdi azamat keshke jalǵyz júrgen qyzdardyń izine túsip, oraıy kelgende ómirine qaýip tónip turǵanyn eskertip, olardyń baǵaly zattary men zergerlik buıymdaryn tartyp alyp otyrǵan, dep habarlaıdy Egemen.kz.

Jibek AǴDARI

Almatyda jalǵyz júrgen qyzdardy tonap kelgen er adam ustaldy

"Ol kesh batqanyn kútip, ózinen álsiz qurbandy izdegen. Máselen, jumystan qaıtyp kele jatqan beıtanys qyzdy syrttaı "shyǵaryp salyp", úıdiń kireberisine jaqyndaǵanda qýyp jetip, aram pıǵylyn júzege asyryp otyrǵan. Ol qurbanyn qorqytyp, kez kelgen qundy dúnıesin: syrǵa, uıaly telefon, saǵat, aqsha berýin talap etken. Keıde sómkesin alyp qashatyn bolǵan", deıdi Almaty qalasy PD krımınaldyq polısııa basqarmasynyń bastyǵy Erkin Ińkárov.

Kúdikti ustalyp, Almaty qalasy PD ýaqytsha ustaý ızolıatoryna qamalǵan. Polısııa ony qolǵa túsirgende kúdiktiniń qolynda jasyl saby bar as úı pyshaǵy bolǵan. Sondaı-aq kúdiktiniń buryn da osyǵan uqsas qylmysty birneshe ret jasaǵany úshin sottalǵanyn anyqtaǵan.