Eskertkishtiń bıiktigi 7,5 metrdi quraıdy. Atalǵan nysan kásipkerlerdiń demeýshiligimen salynǵan.
"Dombyra" eskertkishiniń ashylý saltanatyna Jambyl oblysynyń ákimi Berdibek Saparbaev qatysty. Sondaı-aq jıynda aımaqtyń mádenıet qaıratkerleri men ónerpazdary, jalpy kópshilik boldy. О́z sózinde ákim halqymyz úshin dombyranyń orny bólek ekenin, onyń kúmbirli kúıi, áýezdi áni adamnyń jan tebirenisin jetkizetinin aıtyp ótti. Sonymen qatar ol eki jyl buryn Elbasy Nursultan Nazarbaevtyń sheshimimen shildeniń birinshi jeksenbisi "Ulttyq dombyra kúni" bolyp jarııalanǵanyn, bul merekelik kúnniń ulttyń rýhanııatyna óshpes iz qaldyratynyn jetkizdi.
"Taraz ınnovasııalyq-gýmanıtarlyq ýnıversıtetiniń oqytýshylary men stýdentteriniń qoldaýymen jataqhana aldyndaǵy saıabaqtan "Dombyra" eskertkishi ashylyp otyr. Ýnıversıtette oqyp júrgen jastar dombyranyń tógilgen kúıi men jyry arqyly ózderine kúsh-jiger men sapaly bilim ala alady. Halqymyzda myqty kúıshilerdiń bolǵany barshamyzǵa tarıhtan belgili. Búginde sondaı talanttardyń ónerin jalǵastyryp kele jatqan elimizge tanymal kúıshi Ábdimomyn Jeldibaevtyń bir kúıiniń ózi álemge taralyp, dúnıejúzi qazaq degen ult pen Qazaqstan degen memlekettiń bar ekenin bildi. Sonymen qatar búgingi jastarymyz da dombyra ónerin jalǵastyryp, nasıhattaý ústinde. Osy oraıda, aqyn Qadyr Myrza Áli aǵamyz "Naǵyz qazaq qazaq emes, naǵyz qazaq – dombyra!" degen. Bul sóz tekke aıtylmasa kerek. Sebebi jer betinde dombyra sekildi aspaby bar ulttar neken-saıaq. Sondyqtan biz, búgingi urpaq babalarymyzdyń aldynda basymyzdy ııýimiz qajet", dedi Berdibek Saparbaev.
Sondaı-aq eskertkishtiń ashylýyna úles qosqan atalǵan oqý ordasynyń basshylyǵyna alǵys aıtyp, aldaǵy ýaqytta "Dombyra" eskertkishiniń janynda ult rýhanııatyn ulyqtaıtyn maǵynaly sharalardyń kóptep uıymdastyrylatynyna senetinin jetkizdi.
Jambyl oblysy
