Mamandardyń boljamynsha, búgin elimizdiń soltústik jáne shyǵys oblystarynda nóserli jańbyr jaýyp, sońy qarǵa ulasýy múmkin, daýyldy jel turady.
Al, batys pen ońtústik óńirlerde kún jaýyn-shashynsyz ótedi, keı jerlerde tuman túsedi.
Aqmola, Soltústik Qazaqstan jáne Pavlodar oblystarynda jeldiń jyldamdyǵy 15-20 m/sek, keı jerlerde 23-28 m/sek uıytqýy yqtımal.
Shyǵys Qazaqstan, Qaraǵandy oblystarynda tuman kútiledi jáne daýyldy jel turady. Qaraǵandy oblysynyń shyǵys bóliginde temperatýra 1-3 gradýsqa deıin tómendep, úsik júredi.
Almaty, Qostanaı, túnde Aqtóbe, tańerteń Jambyl oblystarynda jel jyldamdyǵy sekýndyna 15-20 metrge deıin jetedi. Qostanaı oblysynda tuman kútiledi.
Batys Qazaqstan jáne Atyraý oblystarynda da kún jaýyn-shashynsyz. Qyzylorda, Túrkistan, Aqtóbe, Jambyl jáne Qaraǵandy oblystarynda órt qaýpi saqtalady.
