Qostanaı oblystyq veterınarııa basqarmasynyń basshysy Samat Qalıev: "Iri qus fabrıkalarynda ólim joq. Sarykól aýdanyndaǵy Maıak aýyly, Uzynkól aýdanyndaǵy Sokol jáne Meńdiqara aýdanyndaǵy Krasnaıa Presnıa aýyldary tumaýdyń oshaǵyna aınaldy. Atalǵan eldi mekenderde jalpy 384 qus ólgen, onyń barlyǵy jeke úı sharýashylyǵynan bolyp shyqty. О́lgen qustardy órtedik", deıdi ol.
Osy úsh aýyldyń aýmaǵy 21 kúnge karantınge jabyldy (qus ónimderin eksporttaýǵa tyıym salyndy). Keıin saraptama úshin qustan qan alynady. Eger dıagnoz rastalsa, karantın merzimi uzartylady.
S.Qalıevtiń málimetinshe, oblysta joǵary patogendi qus tumaýyna qarsy 21 doza vaksına satyp alynǵan. О́ńirde vaksınalaý jumystary bastalyp ta ketipti. Sondaı-aq ol mundaı qaýipti ýaqytta qus pen jumyrtqany ruqsat etilmegen saýda oryndarynan satyp almaý keregin eskertti.
Sanıtar dárigerler qoldy jıi jýý, betperde taǵý, dymqyl maılyqtardy qoldaný qajettiligi týraly aıtady. Aýrýdyń alǵashqy belgileri paıda bolǵan kezde shuǵyl túrde dárigermen keńesý qajettigin jáne bul ınfeksııa adamnan adamǵa juqpaıtynyn eske salady.
