Qoǵam • 24 Qyrkúıek, 2020

Senator Atyraý oblysyndaǵy jol qurylysyn aıaqtaý merzimin kórsetýdi talap etti

375 ret kórsetildi

Atyraý oblysyndaǵy joldardyń jaı-kúıi tolǵandyrǵan senator Ǵumar Dúısembaev Úkimet basshysy Asqar Mamınniń atyna depýtattyq saýal joldady, dep habarlaıdy Egemen.kz.

Bul óńirde Atyraý-Oral jáne Muqyr-Qulsary avtojoldaryn qaıta jańartý josparlanǵan bolatyn. Memleket basshysynyń tapsyrmasy boıynsha «Nurly jol» memlekettik baǵdarlamasy aıasynda 2025 jylǵa deıin 24 myń shaqyrym respýblıkalyq jol jańartylady.

Depýtattyń aıtýynsha, respýblıkalyq mańyzy bar avtojoldardyń oblystaǵy jaqsy jáne qanaǵattanarlyq jaǵdaıdaǵy úlesi nebári 66%-dy quraıdy, al respýblıka boıynsha ortasha kórsetkish – 88% bolyp otyr. Aıta ketý kerek, sońǵy jyldary óńirdiń jol-kólik oqıǵalarynyń statıstıkasy máz emes. Eger 2016-2017 jyldary 65 jol-kólik oqıǵasy oryn alsa, 2018-2019 jyldary bul kórsetkish 111 boldy, onda 209 adam jaraqat alyp, 59 adam qaıtys boldy.

Sondaı-aq saýalda Atyraý-Oral avtojolyndaǵy ótý qarqyny táýligine 7 myń avtomobıldi quraıtyny atap ótilgen, bul joldyń qazirgi talap kórsetkishterine sáıkes kelmeıdi.

«2021-2023 jyldarǵa arnalǵan respýblıkalyq bıýdjet jobasynda osy maqsattarǵa 4,4 mlrd. teńge mólsherinde qarajat kózdelgen, 1 km avtojoldy qaıta jańartýdyń boljamdy quny 400-600 mln. teńgeni quraıdy, al qurylystyń normatıvtik uzaqtyǵy 3 jyl. Kórsetilgen qarajat pen belgilengen merzimde uzyndyǵy 487 km joldy qaıta jańǵyrtý jumystarynyń tabysty bolǵanyna kúmán týady", - dep atap ótti Ǵ.Dúısembaev. Senator óz kezeginde qarjylandyrý kózderin jáne osy joldy qaıta jańartýdy aıaqtaý merzimderin kórsetýdi talap etti.

Ǵumar Dúısembaev sonymen qatar qatty jabyny múlde joq Muqyr-Qulsary jolynyń nashar jaǵdaıy alańdatady. Senator bul avtojol Aqtaý teńiz porty men Qazaqstannyń qalǵan bóligi arasyndaǵy Aqtóbe oblysy arqyly ótetin eń qysqa kólik qatynasy ekenin atap ótti. Avtojoldy qaıta jańartý joldy 150 shaqyrymǵa qysqartýǵa jáne Atyraý-Aqtaý jolyndaǵy kólik sanyn azaıtýǵa múmkindik beredi.

«Memlekettik baǵdarlamada qarjylandyrý kózi kórsetilmegen. Úkimet joǵaryda atalǵan jobalardy qarjylandyrý kózderin anyqtaý jáne olardy ýaqtyly aıaqtaý jóninde qajetti sharalar qabyldaýy qajet», - dedi depýtat.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar