Bilim • 24 Qyrkúıek, 2020

Kundelik.kz: I-toqsandaǵy alǵashqy úsh aptanyń qorytyndysy shyqty

57 ret kórsetildi

Bıyl Kundelik.kz bilim berý platformasynyń komandasy jańa oqý jylyna 2020-2021 oqý jylynyń 1-toqsanynda mektepterdiń qashyqtan oqıtynyn eskere otyryp daıyndaldy. О́tken oqý jylyndaǵy tájirıbege súıenip, paıdalanýshylardyń yqtımal júktemesi eseptelgen jáne IT júıeniń qyzmeti áldeqaıda jaqsartylyp, búkil júıe ınfraqurylymy 30%-ǵa keńeıtildi. Keńjolaqty ınternettiń serverlik topqa ótkizý múmkindigi 100% jaqsartylyp, jobanyń aqparattyq qaýipsizdik kórsetkishteri jaqsartyldy, dep habarlaıdy Egemen.kz.

Osynyń bári 1-toqsannyń basynda oqý úderisi kezinde "Kúndelik" avtomattandyrylǵan aqparattyq júıesinde (AAJ) bolýy múmkin tehnıkalyq aqaýdyń aldyn alýǵa múmkindik berdi. Qazir "Kúndelik" AAJ Qazaqstannyń 6200 mektebine, 356 822 muǵalim men 3 070 723 oqýshyǵa, sonymen birge 2 159 270 ata-anaǵa qyzmet kórsetip otyr.  

"Kúndelik" JShS bas dırektory Muhtar Ilııasovtyń aıtýynsha, Qazaqstandaǵy bilim salasyna júıeli kózqaras kerek.

Taǵy bir jańalyq, Bilim jáne ǵylym mınıstrliginiń №125 buıryǵynyń jańartylýyna jáne krıterıal baǵalaýdyń 10 baldyq jańa júıesine oraı, muny kundelik.kz elektrondyq jýrnaly men kúndeligine engizýde qyrýar sharýa atqaryldy. Muǵalimderge arnap túsindirý baǵytyndaǵy 30-dan asa nusqaýlyqty jasap, jarııalandy. Onyń ishinde QR BǴM jasaǵan oqýshylardy baǵalaýdyń jańa júıesi týraly aqparat ta bar. 10 baldyq júıe boıynsha formatıvti baǵalaý oqýshynyń sabaqta jumys isteýge yntasyn arttyryp qana qoımaı, sonymen birge ádettegi kommentarııge qosymsha oqýshynyń sabaqta jaýap berýine qosylyp, toqsan boıǵy úlgerim traektorııasyn kórsetedi. Buǵan qosa, toqsandyq BJB jáne TJB túrindegi baqylaý jumystarynyń nátıjesine qosymsha toqsandyq baǵalaý nátıjesine de yqpal etedi.

"Atalǵan uıymdastyrý jumystary óz aldyna, sonymen birge biz oqý prosesi barysynda balalardy bilim berý baǵytyndaǵy túrli kontentpen qamtamasyz etýdiń asa mańyzdy ekenin de túsinemiz, mundaı materıaldardy qaıtalaý taqyrypty ıgerýdiń kepili. Osyny eskere otyryp, "Habar" memlekettik televızııa holdıngimen birlese otyryp, kundelik.kz portaly kún saıyn "El Arna" jáne "Balapan" arnalarynyń YouTube jelisindegi beınesabaqtaryn salyp otyrady. Bul sabaqtar 2020-2021 oqý jylynyń birinshi toqsanyndaǵy 1–11-synyp oqýshylarynyń oqý baǵdarlamasyn qamtıdy. Buǵan qosymsha muǵalimderge arnap, 1-synyptan 11-synypqa deıingi búkil pán boıynsha 1-toqsannyń oqý baǵdarlamasynyń konspektisin salyp qoıdyq, ony Almaty qalalyq bilim berý basqarmasynyń qatysýymen almatylyq muǵalimder jasap shyǵardy, –­ deıdi Muhtar Ilııasov.

"Kúndelik" JShS bas dırektorynyń málimetinshe, 1-toqsannyń alǵashqy 20 kún ishinde "Kúndelik" AAJ júıesinde kún saıyn shamamen jarty mıllıonǵa deıin paıdalanýshy otyrǵan.

"Oqý bastalǵan 20 kún ishinde el mektepterinde qyzmet etetin pedagogtar 7 978 905 sabaqtyń tolyq sıpattamasyn úı tapsyrmasy jáne sabaqtaǵy tapsyrmamen, sabaqtyń taqyrybymen qosa engizip qoıdy. Orta eseppen alǵanda, júıe sekýndyna 15-17 myń paıdalanýshynyń kirýine tótep berdi. Aıta ketetin bir jaıt, osy kúnge deıin kundelik.kz júıesine birneshe ret qasaqana DDoS shabýyl jasaldy, olardyń maqsaty júıeniń jumysyna kedergi keltirip, jobanyń bedeline nuqsan keltirý bolǵany belgili. Alaıda biz UQQ memlekettik tehnıkalyq qyzmeti (MTQ), "Qazaqtelekom" AQ, "Ulttyq aqparattyq tehnologııalar" AQ mamandarymen qoıan-qoltyq jumys isteýdiń jáne ózimizdiń tehnıkalyq komandamyzdyń kásibı deńgeıiniń arqasynda munyń bárine tótep berdik. Júıe qalypty rejımde jumys istedi, "Kúndelik" júıesin paıdalanýshy júzdegen myń adam usynylyp otyrǵan qyzmet sapasynyń nasharlyǵyn baıqaǵan joq.

О́tken oqý jylynyń basymen salystyrǵanda, Qoldaý qyzmetine ótinish aıtýshylar sany 2 esege deıin artty. Paıdalanýshylar tarapynan túsken ótinishterge analız jasaı kele, olardyń barlyǵyn ádettegideı sabaq kestesin qurý jáne mekteptegi oqý júktemesin josparlaý máselesi qyzyqtyratynyn túsindik. Munyń sebebi, birqatar mekteptiń ákimshiligi sabaq kestesin kúni buryn jasap qoımaǵan. Jalpy bul árqashanda kez kelgen oqý jylynyń basynda bolatyn jaǵdaı. Degenmen, pandemııa kezeńinde kezekshi jáne qashyqtan oqıtyn synyptardy daıyndaý jańa synaq boldy. Osyny eskere otyryp, mektep ákimshiligine synypqa bólý máselesin ońtaıly sheshýge, al muǵalimderge sabaq josparyn jasap, kúndelikti úı tapsyrmasyn salyp otyrýǵa múmkindik beretin sheshimdi usyndyq.

"Bilim berý prosesine júıeli jáne standartqa saı kózqaraspen qaraǵanda ǵana tıimdi jumsaýyna qol jetkizýge bolady. "Kúndelik" júıesiniń maqsaty da osy. Tórt jyldan beri bizben birge jumys istep kele jatqan oqytýshylarǵa ózara túsinistik jáne qoldaýy úshin alǵys bildiremiz", – deıdi Muhtar Ilıasov.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar