Aımaqtar • 24 Qyrkúıek, 2020

Pavlodarda 82 jastaǵy zaǵıp zeınetker maıdan kezinen toqyma toqıdy

10 ret kórsetildi

Bala kezinde toǵyz jasynda qatty naýqastanǵannan keıin qos janary múldem kórmeı qalǵan. Dese de,  qarııa  áli kúnge deıin salaýatty ómir saltyn ustanady, dep habarlaıdy Egemen.kz Ravlodarnews.kz saıtyna silteme jasap.

"Taǵdyrdyń jazýymen balalyq shaǵymnan kórý qabiletimnen aıyryldym. Biraq ta esh  moıymaımyn.  Zerigip otyrýǵa ýaqyt  bolmaıdy. Únemi bir  sharýamen aınalysamyn. Ilmekpen, toqyma bizben  qolǵap, baıpaq toqımyn. Kóbinese syıǵa tartamyn. Soǵys kezinde úlken ápkelerim,  anam, kórshilerim maıdanǵa  qolǵap pen shulyq toqıtyn. Ol kezde jasym tórtte bolatyn.  Sol kezden-aq toqýǵa qyzyǵýshylyq boldy. Joqshylyq kezi edi. Arnaıy ilmek bolmaıtyn. Taldyń shıin syndyryp alyp, sonymen toqýǵa tyrysatynmyn. Sosyn birde aǵam symnan  toqyma biz  jasap berdi.  Birinshi ret qýryshaqqa toqyǵanym esimde. Qısyq-qısyq bolyp shyqty. Biraq sonda da qoımaıtynmyn. Ápkelerim de kómektesip, durystap otyratyn", deıdi ol.


IMG_9200.JPG

Zoıa Perfıleva Tereńkól aýdanynyń Lvovka aýylynda dúnıege kelgen. 23 jasynda Pavlodarǵa zaǵıptar qoǵamyna  jumysqa turyp, keshki mektepte  bilim alǵan. 

"3-synypty aýyl mektebin bitirgen soń 4-synypty úıden oqydym. Balalyq shaǵymda kóp aýyratyn edim.  Janarymnyń kórmeı qalýyna qyzylsha aýrýy da áser etti.  Turmys quryp, eki bala súıdim. Joldasymmen 36 jyl tatý-tátti ómir súrdik. Úıdi ózim jınap, taǵam daıyndaımyn.  Otbasymyz úlken. Barlyǵy kelip turady. Balalardyń óz otbasylary bar", deıdi  qala turǵyny.


IMG_9206.JPG

Búginde shóbere súıip otyrǵan zeınetkerdiń úlken  nemeresi 30 jasta. Qyzy 53-te bolsa, uly 51-de. 

IMG_9196.JPG

"Toqymaǵa qajetti jipterdiń túsin Braıl júıesi arqyly tańdap alamyn. Aptasyna eki ret zaǵıptarǵa arnalǵan kitaphanaǵa baramyn. Ol jerde kompıýterdi meńgerdim. Saýyqtyrý jáne ońaltý ortalyǵyna baryp turamyn. Túrli jattyǵýlar jasaımyn. Sondaı-aq gúl ósirýmen aınalysamyn. Eńsemdi túsirmeımin. Ár kúndi bos otyrmaı, paıdaly ótkizýge tyrysamyn", deıdi Zoıa Perfıleva.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar