Taǵaıyndaý • 24 Qyrkúıek, 2020

Mádı Takıev Áleýmettik-ekonomıkalyq monıtorıng bóliminiń meńgerýshisi bolyp taǵaıyndaldy

306 ret kórsetildi

Memleket basshysynyń ókimimen Mádı Tókeshuly Takıev Qazaqstan Respýblıkasy Prezıdenti Ákimshiliginiń Áleýmettik-ekonomıkalyq monıtorıng bóliminiń meńgerýshisi qyzmetine taǵaıyndaldy, dep habarlaıdy Egemen.kz Prezıdenttiń baspasóz qyzmetine silteme jasap.

Aıta keteıik, búgin Memleket basshysynyń ókimimen Maqsat Nurdáýletuly Muhanov Qazaqstan Respýblıkasy Prezıdenti Ákimshiliginiń Áleýmettik-ekonomıkalyq monıtorıng bóliminiń meńgerýshisi qyzmetinen bosatyldy.

Mádı Takıev 1978 jyly 1 sáýirde Almaty oblysynda dúnıege kelgen. Ol Qazaq memlekettik basqarý akademııasyn "Býhgalterlik esep jáne aýdıt" mamandyǵy boıynsha, D.Qonaev atyndaǵy gýmanıtarlyq ýnıversıtetin "Quqyqtaný" mamandyǵy boıynsha, sondaı-aq Halyqaralyq bıznes ýnıversıtetin "Iskerlik ákimshildendirý magıstri" mamandyǵy boıynsha támamdaǵan.

Eńbek joly:

1998-2012 jj. – Almaty qalasy boıynsha salyq departamentinde jumys istegen.

2012-2013 jj. – Qazaqstan Respýblıkasy qarjy mınıstrliginiń salyq komıteti basqarmasynyń bastyǵy.

2013-2014 j. – Ulttyq ekonomıka mınıstrliginiń salyq jáne keden saıasaty departamentiniń dırektory.

2014 j. – Qazaqstan  Premer-mınıstri keńsesiniń áleýmettik-ekonomıkalyq bóliminiń bas keńesshisi.

2014-2017 jj. – Atyraý oblysy boıynsha memlekettik kirister departamentiniń basshysy.

2017-2019 jj. – Qazaqstan Respýblıkasy qarjy mınıstrligi memlekettik kirister komıtetiniń salyqtyq baqylaý departamentiniń dırektory.

2019 jyldyń 12 naýryzynan – Qazaqstan Respýblıkasy ulttyq ekonomıka vıse-mınıstri qyzmetinde boldy.

Memlekettik nagradalary: "Eren eńbegi úshin", "Táýelsizdikke 20 jyl" medaldary jáne "Salyq qyzmetiniń úzdigi".

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar