Qoǵam • 24 Qyrkúıek, 2020

Almatyda ázirge konsert, spektaklder qoıylmaıdy

8 ret kórsetildi

Almaty qalasynyń Bas memlekettik sanıtarlyq dárigeriniń 15.08.2020 jylǵy №56 qaýlysyna jáne odan keıin engizilgen ózgeristerge sáıkes, "Shekteý sharalaryn birtindep jeńildetý týraly" barlyq mádenı nysandarynyń (teatrlar, konsert zaldary, murajaılar, kórmeler jáne t.b.) qyzmetine tyıym salyndy, dep habarlaıdy Egemen.kz.

Qazirge mádenıet nysandarynda 30 adamnan aspaıtyn jeke, toptyq jattyǵýlarǵa, kitaphanalar men murajaılardyń qyzmetine ruqsat berildi. Iаǵnı, teatrlar, mádenı nysan bolǵandyqtan, jattyǵýlarǵa ruqsat etiledi, biraq resmı premeralar men kórermender qatysatyn qoıylymdarǵa  ruqsat etilmeıdi.

Osyǵan oraı, qaladaǵy koronavırýstyq ınfeksııasynyń epıdemııalyq jaǵdaıy tómendedi, biraq, turaqty emes. Bul shara aýrý kórsetkishterin eskere otyryp jáne júrgizilip jatqan profılaktıkalyq, epıdemııaǵa qarsy sharalardy odan ári baqylaýda, jańa ınfeksııalyq jaǵdaılardyń tirkelýine jol bermeý maqsatynda engizildi. Kórermenderdiń teatrlar men kınoteatrlarda, jabyq keńistikte 1 saǵat nemese odan da kóp ýaqyt bolmaýy da eskerildi.

Bas memlekettik sanıtarlyq dárigerdiń qaýlysy, barlyq jeke jáne zańdy tulǵalarǵa, kásipkerlik sýbektiler úshin uıymdastyrý-quqyqtyq nysany men vedomstvolyq baǵynystylyǵyna qaramastan mindetti bolyp tabylady.  

Qosymsha, aýmaqtyq (qalanyń, oblystyń) Bas memlekettik sanıtarlyq dárigeri epıdemııalyq jaǵdaıǵa baılanysty shekteýlerdi engizý nemese alyp tastaý týraly sheshimderdi óz betinshe qabyldaýǵa quqyly.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar