Aımaqtar • 24 Qyrkúıek, 2020

Atyraýda qojalyq jumysshysy malymen birge adasyp ketken

242 ret kórsetildi

"Kókat" sharýa qojalyǵynyń jumysshysy Amangeldi Esov mal jaıýǵa shyǵyp, aýylǵa qaıtar joldy tappaı, adasyp ketken, dep habarlaıdy Egemen.kz.

"Inder aýdandyq polısııa bólimine 20 qyrkúıekte keshki saǵat 22:00 shamasynda О́rlik aýylynyń turǵynynan "Kókat" sharýa qojalyǵynyń  51 jastaǵy jumysshysy Amankeldi Esovtiń mal baǵýǵa shyǵyp, qaıta oralmaǵany týraly habar tústi. Aýdan polıseıleri jedel izdestirý jumysyn habar túsken sátte bastaǵanmen, bir kún boıy eshqandaı nátıje bermedi. Biraq polısııa qyzmetkerleri izdestirýdi toqtatqan joq. Nátıjesinde​ Amangeldi Esov kelesi kúni, ıaǵnı 22 qyrkúıekte​ tańǵy saǵat 03:30 shamasynda Batys Qazaqstan oblysynyń Jańaqala aýdanyndaǵy Máshtisaı aýylyna qarasty "Sabıla Qudyq" ýchaskesiniń shabyndyq jerinen tabyldy", - dep habarlady oblystyq polısııa departamentiniń baspasóz qyzmeti.

Qojalyq jumysshysy Amangeldi Esov eki kún boıy tamaq ishpeı, jańbyrǵa jaýrap, ábden álsirep qalypty. Polısııa qyzmetkerleri oǵan dereý alǵashqy kómek kórsetip, otbasymen aman-esen qaýyshtyrdy.

Al "Kókat" sharýa qojalyǵynyń jetekshisi Inder aýdanynyń polıseılerine  jumysshy Amankeldi Esovty der kezinde tabýǵa atsalysqany alǵys aıtty.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar