Qoǵam • 24 Qyrkúıek, 2020

Almatynyń “Shyǵys qaqpasyndaǵy” jolaıryq myńdaǵan adamnyń saparyn jeńildetedi

20 ret kórsetildi

Almaty qalasynyń ákimi Baqytjan Saǵyntaev jumys sapary barysynda Qulja tas jolynyń Buqtyrma kóshesimen qıylysqan tusynda salynyp jatqan jolaıryǵynyń qurylysyn tekserdi, dep habarlaıdy Egemen.kz.

«Qulja tas jolynyń Buqtyrma kóshesimen qıylysqan tusynda qalanyń «shyǵys qaqpasy» janyndaǵy qozǵalysty jeńildetetin kólik aıryǵy salynýda. Qala turǵyndaryna «áýejaı aınalma joly» retinde tanys bul aımaqta kólik nópiri seıilmeı tur», – dep jazdy qala ákimi óziniń Instagram-daǵy paraqshasynda.

Shahar basshysynyń málimetinshe, jobaǵa sáıkes munda tórt jáne alty jolaqty qozǵalyspen júretin zamanaýı ári kópdeńgeıli jol ótkeli salynady. Qulja tas joly boıyndaǵy estakadanyń uzyndyǵy 784 shaqyrym, Buqtyrma kóshesindegi týnneldiń uzyndyǵy 570 shaqyrym. Aýmaqtyń aınalasyn abattandyrý úshin 750 aǵash otyrǵyzylady.

«Jospar boıynsha kelesi jyldyń sońyna qaraı paıdalanýǵa berilgennen keıin Buqtyrma kóshesiniń ótkizý qabileti 30%-ǵa, al Qulja traktisi boıynsha 15%-ǵa ósedi. Jalpy bul jolaıryǵy Túrksib aýdany men qala mańyndaǵy eldi-mekenderdiń 350 myńǵa jýyq turǵynynyń júrip-turýyna qolaıly jaǵdaı týǵyzbaq», - dep atap ótti B. Saǵyntaev.

Eske salsaq, qazirgi kezde Almatyda Seıfýllın dańǵyly – Jansúgirov kóshesiniń jáne Rysqulov dańǵyly – Emsov kóshesiniń qıylystarynda taǵy eki kólik jolaıryqtary salynyp jatyr. Olardyń qurylysyn 2021 jyldyń sońynda aıaqtaý josparlanǵan.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar