Azamattardy sybaılas jemqorlyqqa qarsy is-qımylǵa keńinen jumyldyrý ony qabyldamaýdy qalyptastyrýdyń sheshýshi faktory retinde Antıkordyń kún tártibinde birinshi kezekte tur.
Qazirgi tańda ashyqtyq, qoljetimdilik jáne transparenttilik qaǵıdattarymen jurtshylyqpen jemisti áriptestik óziniń tıimdiligin kórsetýde.
Arnaıy monıtorıngtik top, aqparattyq-aǵartýshylyq shtab, «Adaldyq alańy», «Adal kómek», «Ashyq bıýdjet» jobalyq keńseleri, Qoǵamdyq keńes jáne vedomstvonyń basqa da konsýltatıvtik-keńesshi alańdary turmystyq jemqorlyqty joıý, memlekettik organdardy transformasııalaý, qoǵamda parasattylyq ıdeologııasyn ilgeriletý, halyqtyń quqyqtyq saýattylyǵyn arttyrý máselelerindegi aýqymdy ózgeristerdiń shynaıy qozǵaýshysyna aınaldy.
Memlekettik baqylaýǵa azamattyq baqylaý ınstıtýtyn balama retinde kúsheıtý – Memleket basshysynyń tapsyrmasy boıynsha «Qoǵamdyq baqylaý týraly» zańdy qabyldaýǵa múmkindik beredi.
Antıkor úkimettik emes sektormen ózara yntymaqtastyń kókjıegin keńeıte otyryp, ishki bıznes-úrdisterge baǵyttalǵan birlesken qyzmettiń jańa deńgeıine shyǵady.
Endi Agenttiktiktiń apta saıynǵy apparattyq keńesterine onyń barlyq konsýltatıvtik-keńesshi ınstıtýttary qatysady. Ortalyqta jáne óńirlerde jurtshylyq ókilderi qaralatyn taqyryptardy teń dárejede talqylaýǵa qatysady, qyzyqtyratyn suraqtaryn qoıady, jemqorlyqqa qarsy saıasatty odan ári jetildirý boıynsha óz usynystary men usynymdaryn engizedi. Sondaı-aq, olar keńesterde qabyldanǵan sheshimderdiń oryndalý barysyn baqylaı alady.
Sonymen qosa, Antıkordyń tártiptik komıssııasynyń quramyna Qazaqstan Respýblıkasy Prezıdentiniń janyndaǵy Memlekettik basqarý akademııasynyń rektory, Agenttiktiń qoǵamdyq keńesiniń múshesi Erlan Ábil men Sybaılas jemqorlyqqa qarsy birinshi medıa-ortalyqtyń tóraǵasy, «Adaldyq alańy» respýblıkalyq jobalyq keńsesiniń jetekshisi Tólegen Baıǵulov kirdi.
Jemqorlyqpen kúresýshiler mundaı tásildiń Agenttik qyzmetkerleriniń tártiptik jáne etıkalyq áreketterine qatysty faktilerdi zerdeleýde ashyqtyq pen ádildikti qamtamasyz etetinine senimdi.
Qarjylyq qyzmette barynsha ashyqtyqqa qol jetkizý maqsatynda Qazaqstan kásipkerleriniń quqyqtaryn qorǵaý jónindegi ýákildiń keńesshisi, arnaıy monıtorıngtik tobynyń múshesi Oleg Savelenko men «Adal pharm» jobalyq keńsesiniń jetekshisi Serik Aıdarbekov memlekettik satyp alý jónindegi vedomstvolyq konkýrstyq komıssııanyń quramyna engizildi.
Sondaı-aq, satyp alý rásimderine «Atameken» UKP men «Adaldyq alańy» jobalyq keńseleriniń sarapshylary da tartylady. Olardyń satyp alynatyn taýarlardyń, jumystar men kórsetiletin qyzmetterdiń tehnıkalyq tapsyrmalary men erekshelikteriniń jobalaryna bergen saraptamalyq qorytyndylary áleýetti jetkizýshilerge memlekettik satyp alý konkýrsyna qatysý kezinde teń múmkindikter berý úshin qajet.
