Financial Times basylymy habarlaǵandaı 2 myń azamat vaksınany tájirıbeden ótkizýge rızashylyqtaryn bildiripti. Onyń barysynda erkitiler aǵzasyna ádeıilep vırýs jiberilip, olar KVI-men aýyratyn bolady. Tájirıbe 2021 jyldyń basynda London koroldik kolledji men hVIVO zertteý tobynyń qatysýymen júrgiziledi dep uıǵarylǵan. Alaıda ol Ulybrıtanııa bıligi men Etıka jónindegi táýelsiz komıtettiń ruqsatyn alǵanda ǵana múmkin bolady.
Budan buryn birikken koroldik ǵalymdarynyń shvedtik kompanııamen birlese vaksına jasaýǵa kirisip, birneshe kezeńnen ótkenin, alaıda jumys barysynda bir eriktiniń aýyryp qalǵanyna baılanysty toqtatylyp, artynan vaksınanyń áseri emestigi anyqtalǵan soń ári qaraı jalǵastyrýǵa ruqsat alynǵanyn jazǵan edik.
Jospar boıynsha eriktilerge aldymen belgili bir doza jiberilip, baqylaýda ustalady. Artynan bir aıdan soń taǵy da vaksına egiledi degen sheshim bar kórinedi.
