Rýhanııat • 24 Qyrkúıek, 2020

Birikken Arab Ámirliginde "Abaı" mádenı-tanymdyq zaly ashyldy

88 ret kórsetildi

Qazaq halqynyń uly aqyny, fılosofy Abaı Qunanbaıulynyń 175 jyldyǵyna oraı Qazaqstannyń BAÁ-degi Elshiliginiń ǵımaratynda "Abaı" mádenı-tanymdyq zaly ashyldy, dep habarlaıdy Egemen.kz

Elimizdiń Mádenıet jáne sport mınıstrliginiń qoldaýymen ótken is-sharaǵa QR Ulttyq akademııalyq kitaphanasy men Jazýshylar odaǵynyń basshylyǵy, Ámirlikterdegi otandastarymyz ben birqatar shet memlekettiń elshileri, sondaı-aq qoǵam qaıratkerleri men BAQ ókilderi qatysty.

Ashylý saltanatynda sóz sóılegen Qazaqstannyń Elshisi Madııar Meńilbekov "Abaı" mádenı-tanymdyq zaly qazaq halqynyń ádebı murasyn sheteldegi otandastarymyz arasynda dáripteýge, jergilikti oqyrman qaýymdy qazaq klassıginiń shyǵarmalarymen tanystyrýǵa mol úlesin qosatynyn jetkizdi.

1

Qazaqstandyq dıplomat elimizdiń Tuńǵysh Prezıdenti – Elbasy N.Nazarbaevtyń bastamasymen qolǵa alynǵan "Rýhanı jańǵyrý" baǵdarlamasyn tilge tıek etip, sonyń aıasynda ulttyq mádenıetimiz ben ónerimizdi, Abaı bastaǵan qazaq ádebıetiniń jaýqazyndaryn álemge pash etýdiń asa mańyzdy ekenin málimdedi. Osy rette, Elshi M.Meńilbekov Memleket basshysy Qasym-Jomart Toqaevtyń "Abaı jáne HHI ǵasyrdaǵy Qazaqstan" atty maqalasyna toqtalyp, "jańa qoǵamnyń janashyry, álemdik mádenıettiń tulǵasy bolyp tabylatyn uly aqyn Abaı Qunanbaıulyn elimizdiń brendi retinde halyqaralyq qoǵamdastyqqa keńinen tanystyrý –  bizdiń mártebeli de jaýapty mindetimiz", dep atap ótti.

1

"Abaı" mádenı-tanymdyq zalynda oqyrmandar aqynnyń ómiri men shyǵarmashylyǵyna arnalǵan qazaq, arab jáne aǵylshyn tilderindegi týyndylarmen tanysa alady. Sonymen qatar atalǵan zal Qazaqstan men Ámirlikter arasyndaǵy mádenı yntymaqtastyq máselelerine arnalǵan ǵylymı baǵyttaǵy túrli jıyndardy, baspasóz konferensııalary men basqa da resmı is-sharalardy uıymdastyrý maqsatynda qoldanylady.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar