Qazaqstan • 24 Qyrkúıek, 2020

Qytaıǵa balyq eksporttaıtyn otandyq kásiporyndar onlaın tekseristen ótip jatyr

8 ret kórsetildi

Aýyl sharýashylyǵy mınıstrligi QHR-ǵa ónim eksporttaýǵa quqyǵy bar Qazaqstannyń eki balyq kásipornyna alǵashqy onlaın retrospektıvti tekserý júrgizilgenin habarlaıdy, dep jazady Egemen.kz.

«Tóre Toǵam» JShS (ShQO) jáne "Jalǵasbaev" JK (Túrkistan oblysy) balyq óńdeý kásiporyna onlaın-tekserýdi QHR Bas keden basqarmasynyń sarapshylary men QR AShM ókilderi júrgizdi.

Qytaı tarapyna balyq ónimderin zaýyttarǵa jetkizýden bastap tutynýshylarǵa jóneltýge deıingi barlyq tehnologııalyq tizbe kórsetildi. Vırýstardyń taralýyn aldyn alý jáne sapasyn baqylaý boıynsha sharalardy saqtaýǵa erekshe nazar aýdaryldy.

QHR Bas keden basqarmasy ókilderi qazaqstandyq kásiporyndardyń Qytaıdyń balyq kásiporyndaryna qoıylatyn talaptaryn jáne koronovırýs jaǵdaıynda azyq-túlik kásiporyndaryna arnalǵan DDU usynymdaryn saqtalýyna kóz jetkizdi.

1

Tekserý nátıjesinde Qytaıdyń Bas keden basqarmasy QHR-ǵa balyq ónimderin jetkizýdi maquldady. Budan basqa, yntymaqtastyqty keńeıtý úshin Bas keden basqarmasy men QR AShM Balyq boıynsha veterınarlyq hattamaǵa qol qoıýǵa kelisti. Bul qujat qazaqstandyq balyq óndirýshilerge QHR-ǵa balyq ónimderiniń kóp túrin eksporttaýǵa jol ashady.

Qazirgi ýaqytta 65 qazaqstandyq kásiporyn balyq ónimderin Qytaıǵa eksporttaýǵa quqyly.

Buǵan deıin habarlanǵandaı, koronavırýs pandemııasy jaǵdaıynda, kásiporyndardyń sheteldik mamandarmen kóshpeli ınspeksııasyn júrgizý qıyn bolǵan kezde, QR Aýyl sharýashylyǵy mınıstrligi QHR Bas keden basqarmasymen ınspeksııany qashyqtyqtan júrgizýdiń algorıtmin kelisken bolatyn. Alǵashqy onlaın-tekserýden 14 et óńdeý kásiporny ótti.

Sonymen qatar, qyrkúıek aıynyń basynda QR Aýyl sharýashylyǵy mınıstrligi men QHR Shyńjań-Uıǵyr avtonomııalyq aýdanynyń keden basqarmasy qazaqstandyq aýyl sharýashylyǵy ónimderiniń eksportyn jeńildetý múmkindikterin qarastyrdy.

Qazirgi ýaqytta QR AShM kúshimen barlyǵy 576 qazaqstandyq kásiporyn QHR Bas kedendik basqarmasynyń tizimine engizildi, bul olarǵa AО́K ónimderin tutynýdyń zor áleýetine ıe Qytaı naryǵyna kedergisiz otandyq ónimderdi eksporttaý quqyǵyn beredi.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar