Saıasat • 24 Qyrkúıek, 2020

Qazaqstan Azııadaǵy ózara is-qımyl jáne senim sharalary keńesin basqarady

17 ret kórsetildi

Qazaqstan Respýblıkasy Syrtqy ister mınıstri Muhtar Tileýberdiniń tóraǵalyǵymen Azııadaǵy ózara is-qımyl jáne senim sharalary keńesine (AО́SShK) múshe memleketterdiń Syrtqy ister mınıstrleri keńesiniń beınekonferensııa formatynda otyrysy ótti, dep habarlaıdy Egemen.kz.

Kezdesýdiń basty maqsaty AО́SShK-tegi tóraǵalyqtyń Tájikstan Respýblıkasynan Qazaqstan Respýblıkasyna tabystalýy boldy.

M.Tileýberdi Qazaqstannyń AО́SShK-te 2020-2022 jyldarda tóraǵalyq etý barysynda kózqarasy men basymdyqtaryn usyndy. QR SIM basshysy Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev 1992 jyly BUU Bas Assambleıasynyń 47 sessııasynda alǵash ret jarııalaǵan AО́SShK-ti qurý týraly ıdeıasy Azııadaǵy senimdilik pen qaýipsizdikti nyǵaıtý salasyndaǵy yntymaqtastyqtyń jańa formatyn qalyptastyrýǵa yqpal etkenin atap ótti.

Qazaqstan Respýblıkasy tóraǵalyǵynyń basty basymdyǵynyń biri retinde Keńesti odan ári ınstıtýttandyrý, bul óz kezeginde oǵan múshe-memleketter arasyndaǵy yntymaqtastyqty keńeıtýge, sondaı-aq Forýmnyń halyqaralyq arenadaǵy mártebesin kóterýge múmkindik beredi.

Buǵan qosa, 2019 jyly maýsymda Dýshanbede ótken sammıt barysynda AО́SShK Danalar keńesin, AО́SShK qoryn qurý men AО́SShK-tiń taldaý ortalyqtarynyń forýmyn turaqty jumys isteıtin dıalog alańy retinde qaıta qalyptastyrý jónindegi Qazaqstan Prezıdenti Qasym-Jomart Toqaevtyń bastamalaryn ilgeriletý josparlanýda.

Mınıstr qazaqstandyq tóraǵalyq barysynda AО́SShK-tiń Senim sharalary katalogyn is júzinde júzege asyrý boıynsha, sondaı-aq basqa da aımaqtyq uıymdarmen jáne forýmdar men syrtqy baılanystardy keńeıtý boıynsha jumystardyń nyǵaıtylatynyn atap ótti.

Mınıstrlik kezdesý barysynda syrtqy saıası vedomstvolardyń basshylary Qazaqstannyń Aýstrııadaǵy Elshisi Qaırat Sarybaıdyń kandıdatýrasyn AО́SShK Hatshylyǵynyń Atqarýshy dırektory laýazymyna biraýyzdan maquldady.

Sonymen birge, qatysýshy elderdiń basshylary halyqaralyq jáne aımaqtyq kún tártibindegi birqatar ózekti máseleler boıynsha, onyń ishinde AО́SShK-ge múshe memleketterdiń koronavırýstyq pandemııa jaǵdaıyndaǵy yntymaqtastyq pen keleshegi boıynsha syndarly pikir almasýlar júrgizdi.

Jıynǵa qatysýshylar Keńes sheńberindegi yntymaqtastyqty kúsheıtýdiń mańyzdylyǵyn jáne Qazaqstannyń Forýmdaǵy tóraǵalyǵy barysynda Azııadaǵy beıbitshilikti, qaýipsizdik pen órkendeý boıynsha yntymaqtastyqty jandandyrýǵa daıyn ekendikterin atap ótti.

AО́SShK-tiń basty maqsattary Azııada beıbitshilik pen qaýipsizdikti qamtamasyz etý úshin tıimdi jáne qolaıly qurylymdy qurýǵa baǵyttalǵan.

Qazirgi tańda AО́SShK-ke 27 memleket múshe, 8 memleket  pen 5 halyqaralyq uıym Keńestiń jumysynda baqylaýshy retinde qatysady. AО́SShK hatshylyǵy Nur-Sultan qalasynda ornalasqan.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar