Aımaqtar • 24 Qyrkúıek, 2020

Qostanaıda "Polılog - 2020" baıqaýy ótti

15 ret kórsetildi

Antıkor qyzmeti men jastar saıasaty basqarmasynyń bastamasymen bıyl ekinshi ret uıymdastyrylyp otyrǵan sheshender baıqaýyna oblystaǵy JOO-nyń stýdentteri qatysty, dep habarlaıdy Egemen.kz.

"Qazirgi jastar sheshendik ónerdi jete ıgerý arqyly álemde bolyp jatqan mańyzdy oqıǵalar men  ózekti máselelerge erkin boılap, tyńdarmanǵa bul týrasynda óz oı-pikirin nanymdy ári dál jetkize bilýi kerek", - deıdi uıymdastyrýshylar.     

Oblystyq antıkorrýpsııa qyzmeti basshysynyń birinshi orynbasary Danııar Smaǵulovtyń sózinshe, byltyr atalmysh baıqaý elimizdiń búkil óńirlerinde bolyp ótken.

"Mundaı baıqaýlar Amerıka men Eýropa elderinde de jıi ótip turady. Bıyl, mine, Qostanaı oblysynda bilim alyp júrgen daryndy stýdentterdiń qatysýymen ekinshi ret týrnır ótkizip otyrmyz. Jalpy, biz "Polılogty" jyl saıyn jastardyń basyn qosyp, talabyn ushtaıtyn dástúrli sharaǵa aınaldyrýdy kózdep otyrmyz", - dedi "Sanaly urpaq 2050" qoǵamdyq qorynyń basshysy Serik Manasbaev.

Bıylǵy baıqaýda  qatysýshylar qazaq jáne orys tildi lıgalarǵa bólinip baq synady.

Týrnır qorytyndysy boıynsha jeke esepte altyn kýbokty Rýslan  Kaparov utyp alsa, Vadım Kırsanov – kúmis, Nıkıta Bernovskıı qola kýbokqa ıe boldy.

Jalpykomandalyq esepte birinshi oryndy A.Baıtursynuly atyndaǵy Qostanaı aımaqtyq ýnıversıtetiniń quramasy jeńip aldy. Z. Aldamjar atyndaǵy Qostanaı áleýmettik-tehnıkalyq ýnıversıtetiniń stýdentteri ekinshi orynǵa ıe bolsa, Rýdnyı ındýstrıaldyq ýnıversıtetiniń sheshenderi úshinshi oryndy qanaǵat tutty.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar