Elorda • 24 Qyrkúıek, 2020

Nur-Sultanda balalar eko-alańy paıda boldy

18 ret kórsetildi

Elordamyzda balalarǵa arnalǵan úlken eko-alańnyń biri – Saraıshyq kóshesindegi kópirasty keńistiginde ashyldy, dep habarlaıdy Egemen.kz

Bul jańa qoǵamdyq keńistik Trıatlon jáne prezıdent saıabaǵyn baılanystyrady. Oıyn alańynyń jalpy aýdany 1088 m2.

"Alańǵa áli de shaǵyn sáýlet formalary qoıylady. Ekstremaldy sport áýesqoılary úshin parkýr-alań qurý da josparlanyp otyr", delingen habarlamada.

Buǵan deıin osyndaı kópirasty keńistik L.N.Gýmılev atyndaǵy EUÝ janynda salynǵan edi. Munda strıtbol, skeıt, vorkaýt jáne strıt-art alańdary ashylyp, tennıs ústelderi qoıyldy.

"Qazir Nur-Sultan qalasynyń Ýrbanıstıka ortalyǵy áıgili chempıondar – Jaqsylyq Úshkempirov pen Denıs Tenge arnalǵan graffıtı salý úshin qolaıly oryn qarastyryp jatyr. Sport juldyzdarynyń esimderi árbir otandasymyzdyń esinde qalary sózsiz", deıdi mamandar.

Aıta ketsek, turǵyndar úshin barynsha qolaıly jaǵdaı jasap, jańa tartylys núktelerin qurý jumystary "Nur-Sultan – jaıly qala" tujyrymdamasy aıasynda iske asyrylyp jatyr.

Bıyl elordada 150 aýla abattandyrylyp, 54 qoǵamdyq keńistik salyndy.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar