Arnaıy is-shara kezinde polıseıler esirtki zerthanasyn joıdy, onda, ruqsat etilgen tintý kezinde, bes jabdyq jıyntyǵy jáne sıntetıkalyq esirtki óndirisi úshin komponentteri bar tórt bóshke (80 lıtrden astam), sondaı-aq 100 gr. “Mefedron” tárkilendi. Ony 1976 jyly týǵan K.esimdi azamattyń toby júrgizdi.
– Osylaısha, biz qoldanystaǵy esirtki zerthanasyn jáne qoıma bazasyn joıyp qana qoımaı, sonymen qatar, zańsyz aınalymnan jabdyqtar men osyǵan uqsas bes jańa zerthanalardy qurýǵa arnalǵan materıaldardy tárkiledik. Joǵaryda atalǵan úıdiń aýmaǵynda tintý júrgizgende, ishinde qoıý tústi, belgili bir ıisi bar 20 lıtrlik tórt temir kanıstr tabyldy jáne tárkilendi. Úıdiń ekinshi qabatyn tintý kezinde jatyn bólmesinde erekshe ıisi bar polıetılen paketinde turǵan eki untaqty zat, magnıttik aralastyrǵysh (zerthanalyq, elektrlik) tárkilendi. Sondaı-aq, bólmede jańa bes magnıttik aralastyrǵysh, bes elektrondy tarazy, bes elektrondy sorǵy, túrli zerthanalyq kolbalar jáne kóptegen basqa da zerthanalyq qondyrǵylar boldy. Ekinshi qabattyń qyltımasyn tintý kezinde 1 paket “100 gr” degen jazýy bar aq tústi, ıisi bar, untaq zat tárkilendi, – dedi Almaty qalasy PD Esirtki qylmysyna qarsy kúres basqarmasynyń bastyǵy Erlan Álmaǵambetov.
Sot-hımııalyq saraptamanyń qorytyndysyna sáıkes zertteýge usynylǵan aq zatta jáne zattyń plastık kartochkada qabattalýynda mefedron – Qazaqstan Respýblıkasynda baqylaýǵa jatatyn esirtki, psıhotroptyq zattar, olardyń analogtary men prekýrsorlarynyń tizimine engizilgen metkatınon psıhotroptyq zatynyń analogy bar.Bul fakt sotqa deıingi tergeýdiń biryńǵaı tiziliminde QR QK-niń 297-baby 1-bólimi boıynsha tirkeldi. K.azamat qamaýǵa alyndy.
