Aımaqtar • 24 Qyrkúıek, 2020

“Aýyl – el besigi” baǵdarlamasynyń Almaty oblysyndaǵy nátıjesi qandaı?

35 ret kórsetildi

Memleket Basshysy Qasym-Jomart Toqaevtyń Qazaqstan halqyna Joldaýynda aıtylǵan mindetter Jetisýdyń shalǵaı aýdandarynda turatyn jurttyń kóńilinen shyǵyp otyr. Mysalǵa, buǵan deıin óńirge sharapaty tıgen memlekettik baǵdarlamalardyń aldaǵy merzimde de jalǵasatyny eldiń erteńge degen úmitin úkilegendeı boldy. Ásirese, «Aýyl – el besigi» baǵdarlamasyna qatysty Prezıdenttiń pármenin aǵaıyn qyzý qoldaıdy, - dep habarlaıdy Egemen.kz.

«Aýyldaǵy eń ótkir problemalardy sheshýge baǵyttalǵan «Aýyl – el besigi» baǵdarlamasyn júzege asyrý jalǵasatyn bolady. О́ńirlik damýdyń jańa ádisteri ýrbanızasııa prosesin basqarýǵa, «kóshi-qon tolqynynyń» kezeń-kezeńmen júzege asyrylýyn qamtamasyz etýge, iri qalalarda halyq sanynyń artyp ketip, áleýmettik shıelenisti boldyrmaýǵa múmkindik beredi» degen bolatyn Qasym-Jomart Toqaev óz Joldaýynda. Al bul baǵdarlamanyń naqty jemisi Almaty oblysynda aıqyn kórinis taýyp otyr.

Atap aıtqanda, bıyl aımaqta jalpy quny 14,5 mlrd teńge bolatyn 37 joba osy baǵdarlama boıynsha júzege asyp jatyr eken. Bul qarjyǵa aýyldardaǵy mektepter, aýrýhanalar jańǵyrtylyp, eldi meken ishindegi joldar men sý qubyrlary jóndelip, kósheler men saıabaqtar abattandyrylýda. Al 2019 jyly mundaı jumystar óńirdiń 7 aýdanynda júrgizilgen bolatyn. Nátıjesinde 6 mlrd teńge ıgerilip, barlyǵy 45 joba sátimen júzege asqan-dy. Iаǵnı, «Aýyl – el besigi» baǵdarlamasynyń elge paıdaly tusyn osy mysaldardan da baıqaýǵa bolady. Ásirese, baǵdarlama aıasynda mektepterdiń kúrdeli jóndeýden óte bastaýy qýanyshty jaǵdaı bolyp otyr. Byltyr bir mekteptiń kúrdeli jóndelip, taǵy 5 bilim nysanyna aǵymdaǵy jóndeý jasalǵan. Al bıyl bilim salasyna tıgen úles 1,7 mlrd teńge shamasynda eken. Búginde bul qarjynyń naqty nátıjesi biline bastady. Onyń bir jarqyn mysalyn aıta keteıik. Biz birshama ýaqyt buryn Almaty oblysynyń Sarqan aýdanyna qarasty Ekiasha aýlyndaǵy orta mekteptiń shırek ǵasyrǵa jýyq jóndeý kórmegenin qynjyla otyryp jazǵan bolatynbyz. Sol tusta «Ekiasha aýylynyń mektebi apatty jaǵdaıda tur» degen maqalada aıtylǵan másele Májilis depýtaty Lázzat Súleımenniń nazaryna iligip, bilim oshaǵynyń jaǵdaıy Parlament qabyrǵasynda kóterilgen bolatyn. Al jaqynda aýyl turǵyndarynan qýanyshty habar keldi. Bıyl «Aýyl – el besigi» baǵdarlamasy aıasynda oqý ordasyna kúrdeli jóndeý jumystary júrgizilip jatyr eken.

Ekiasha aýylyndaǵy mektep 1969 jyly salynǵan-dy. Arada 51 jyl ótkende baryp ǵımaratqa qurylysshynyń qoly tıip, tolyqtaı jańǵyrtyla bastaǵan. Jalpy, aýylda 433 oqýshy negizgi bilim alsa, 34 bala mektepke deıingi tárbıemen qamtylýy kerek. Al mekteptiń ózi 960 oqýshyǵa bilim berýge arnalǵan. Qazir oqýshylar sabaqty qashyqtan oqyp jatyr. Balalar da, ata-analar da mekteptiń kúrdeli jóndeýge jabylǵanyna qýanyshty. О́ıtkeni, nysannyń eskirgeni sonshalyq, munda oqý qaýip tóndire bastaǵan eken. Sebebi, mektep taýly aımaqta ornalasqandyqtan kóne ǵımarattyń seısmıkalyq qaýipsizdigi syn kótermeıtin edi. Endi ol kúnder artta qalyp, aýyldaǵy aǵaıynnyń kóńilindegi alań seıilgendeı. Al balalar indet izi joıylyp, mektepke baryp oqýdy asyǵa kútetin boldy. Mekteptiń kúrdeli jóndeýimen «Aqmeshit Melıorator» kompanııasy aınalysyp jatyr eken. Jaýapty mekeme amyz aıynda bastalǵan qurylysty qar túskenshe aıaqtap, mektepti tolyqtaı jańǵyrtyp ótkizbekshi. Al jóndeý jumysyna «Aýyl – el besigi» baǵdarlamasy boıynsha 800 mln teńge qarajat bólingen.

Aıtpaqshy, orta mektebine kúrdeli jóndeý bastalǵan osy Ekiasha aýylynyń kóshelerine asfalt tósele bastaǵan eken. Qazir alaqandaı aýyldyń 7 kóshesi birdeı jóndelgen. Negizgi jumys «Aýyl – el besigi» baǵdarlamasy men «Jumyspen qamtýdyń jol kartasy-2020» baǵdarlamasy aıasynda jasalǵandyqtan, jol qurylysyna aýyldaǵy jumyssyz jastar tartylyp, eńbekpen qamtylypty.

Jalpy, Almaty oblysynda «Aýyl – el besigi» baǵdarlamasy boıynsha qomaqty qarajat ıgerilip jatqanyn joǵaryda aıttyq. Osy baǵdarlama aıasynda bólingen qarjy aýdandardaǵy birqatar áleýmettik máseleleni sheshýge múmkindik týǵan. Sonyń nátıjesinde jyl sońyna deıin Alakól, Balqash, Eskeldi, Kóksý jáne Uıǵyr aýdandarynda bes dene shynyqtyrý-saýyqtyrý kesheniniń qurylysy aıaqtalyp, iske qosylady. Jalpy, 2020 jyly Jetisýdyń shalǵaıdaǵy 21 aýylyna baǵdarlama sharapaty tıidi dep senimmen aıtýǵa bolady. Onyń ishinde abattandyrý men kógaldandyrý jumystaryna bólingen 10,3 mlrd teńgege Aqsý, Qarasaı, Kerbulaq, Talǵar aýdandary men Taldyqorǵan qalasynda jeti saıabaqty kúrdeli jóndelip, 117 aýla men 27 sport alańy abattandyryldy. Osy qarjyǵa taǵy 20 aýyldyń kóshesine jaryq shamdar qoıylǵan eken.

- Aýyldarda qolaıly ómir súrý ortasyn qurýǵa «Aýyl – el besigi» baǵdarlamasy úlken múmkindik berdi. Onyń ishinde ortalyqtan alys aýdandardaǵy shaǵyn aýyldardyń da máselesin sheshýge kóńil bólinýde. Bul baǵdarlamany halyq óte jaqsy qabyldady. О́ıtkeni, bizdiń oblys úshin bul asa mańyzdy, sebebi aımaqtaǵy halyqtyń 80 paıyzy aýylda turady. Al aýyldyń damýy – tustas elimizdiń órkendeýi, - deıdi oblys ákimi Amandyq Batalov.

Sońǵy jańalyqtar

Transkaspıılik kólik tasymaly artady

Ekonomıka • Búgin, 08:14

Qandastar máselesi talqylandy

Saıasat • Búgin, 08:12

Alaıaqqa aldanatyndar áli kóp

Qoǵam • Búgin, 07:58

Kóshe kamerasynyń kómegi

Aımaqtar • Búgin, 07:57

Ekkeni – júgeri, ónimi údedi

Ekonomıka • Búgin, 07:37

Tirligi alǵa basqan Alǵa

Aımaqtar • Búgin, 07:35

Baspanaly bolý múmkindigi artty

Ekonomıka • Búgin, 07:27

Uıat pa, uıat emes pe?

Aımaqtar • Búgin, 07:24

Meıirim men qaıyrym

Rýhanııat • Búgin, 07:18

Tramptan keıingi álemdik tártip

Saıasat • Búgin, 07:14

Siz bilesiz be?. .

Ádebıet • Búgin, 07:09

Tańǵalý sındromy

Ádebıet • Búgin, 07:07

Nobel syılyǵyna kim ne satyp aldy?

Ádebıet • Búgin, 07:06

«Barys» jeńetin kún qaıda?

Hokkeı • Búgin, 07:05

Sý aıdyndary sýǵa zárý

Qoǵam • Búgin, 07:04

Avtor

Aımaqtar • Búgin, 07:02

Namysyn tý etken

Rýhanııat • Búgin, 07:00

Arktıkanyń mańyzy arta túsedi

Álem • Búgin, 06:57

Býdapeshtte júlde buıyrmady

Sport • Búgin, 06:56

Aǵaıyndy Aqshalovtar

Boks • Búgin, 06:55

Jahandy jaýlaǵan «Qyz Jibek»

Teatr • Búgin, 06:53

Nur-Sultanda týrnır ótýde

Tennıs • Búgin, 06:52

Balýandar Janashyrda jattyǵady

Sport • Búgin, 06:49

Parıj Olımpıadasyna – 120 jyl!

Sport • Búgin, 06:48

Hakim tulǵasy – halyq júreginde

Rýhanııat • Búgin, 06:46

Shyraıly «Shyǵys álemi»

Oqıǵa • Búgin, 06:40

Koronavırýstan qalaı qorǵanamyz?

Koronavırýs • Keshe

Uqsas jańalyqtar