Alǵash ret praımerız ótkizý týraly Elbasy, Nur Otan partııasynyń Tóraǵasy Nursultan Ábishuly Nazarbaev ótken jyldyń 21 tamyzynda partııa Saıası keńesiniń keńeıtilgen otyrysynda bastama kótergen bolatyn. Nursultan Ábishuly Nazarbaev praımerızdiń bastalýy qarsańynda jasaǵan Úndeýinde: «Partııa bılikke jańa adamdardy – óz isiniń naǵyz mamandaryn, bedeldi kóshbasshylardy, elimizdiń taǵdyryna jany ashıtyn, tıimdi sheshimder qabyldap, syndarly usynystar engizýge qabiletti adamdardy jyljytýlary tıis», – dedi.
Elimizdiń saıası júıesinde alǵash ret jańasha formatta qoldanysqa engen praımerız kópshiliktiń erekshe yqylasy men qyzý qoldaýyna ıe bolyp otyr. О́ıtkeni ol barsha qazaqstandyqtarǵa, onyń ishinde áıel azamattar men kreatıvti jastarǵa eldi damytý jónindegi jańasha ıdeıalarymen jáne tyń bastamalarymen bólisýge, óz qabiletteri men áleýetterin keńinen tanytýǵa, sol arqyly Qazaqstan Respýblıkasy Parlamentiniń Májilisine, barlyq deńgeıdegi máslıhattarǵa, memlekettik organdarǵa ótýge «áleýmettik lıft» qyzmetin atqaratyn bolady. Praımerızdiń taǵy bir jaǵymdy tusy – partııalyq tizimdegi áıel azamattar úlesiniń 30 paıyzdan, al jastar úlesiniń 20 paıyzdan kem bolmaýy. Halqymyzdyń «Ana razy bolmaı, Alla razy bolmaıdy» degen dana sózi bar. «Áıel bir qolymen besik terbetse, ekinshi qolymen álemdi terbetedi» dep te dóp basyp aıtqan. Búgingi qazaq áıeli otbasy qamyn ǵana oılap qoımaı, sharýashylyqtyń túrli salalarynda tamasha tabystarǵa qol jetkize otyryp, elimizdiń ósip-órkendeýine edáýir úles qosýda. Praımerız erlermen qatar áıel azamattardyń da memlekettik saıasatqa yqpaldasýy úshin teń múmkindikter týǵyzýda. Sonymen qatar Nur Otan partııasy janyndaǵy Jas Otan jastar qanatynyń múshesi, jas kásipker retinde praımerızdiń bizge – jastarǵa berip otyrǵan osy múmkindigi úshin dán rızashylyǵymdy bildiremin. Sebebi, búgingi kúnniń jastary ekonomıkanyń túrli salalarynda aıanbaı eńbek etip, elimizdiń saıası ómirine belsendi qatysýda jáne olardyń arasynda naǵyz kóshbasshylar aıqyndalýda.
Búkilhalyqtyq partııamyzdyń bizge berip otyrǵan osy múmkindigin paıdalanyp, men de praımerızge qatysýǵa bel býdym. Sebebi Nur Otan partııasynyń ekonomıkalyq jáne saıası reformalardy júzege asyrýǵa yqpal etýge, qoǵamdy odan ári demokratııalandyrýǵa, azamattardyń ómir súrý deńgeıin arttyrýǵa baǵyttalǵan ıdeologııalyq baǵdarlary meniń osy turǵydaǵy kózqarastarymmen tolyq úılesim tabady. Praımerızge baılanysty úgit-nasıhat jumystaryna, debattarǵa qatysyp júrip, ózim týyp ósken Shymkent qalasynda talantty jastardyń, órshil azamattar men bilikti basqarýshylardyń kóptigine kózim jetti. Aqtyq synǵa bilim, densaýlyq saqtaý, mádenıet, sport, aýyl sharýashylyǵy, ónerkásip, kásipkerlik jáne ózge de salalardyń mamandary, buqaralyq aqparat quraldarynyń ókilderi túsip otyr. Praımerızge qatysýshy úmitkerlerdiń árqaısysynyń ózindik oı-pikiri, qalyptasqan ustanymy men tájirıbesi bar. Eń utymdysy sol, praımerız atty saıası doda alańy ozyq oı-pikirler men ınnovasııalyq ıdeıalardyń generatoryna aınala otyryp, úmitkerler arasynda syndarly básekelestik ahýal qalyptastyrdy.
Búginde álemdi ábigerge salǵan koronavırýs indeti el ekonomıkasyna aıtarlyqtaı nuqsan keltirip otyr. El Prezıdenti Qasym-Jomart Toqaev óziniń «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna dástúrli Joldaýynda: «Bolashaqta kósh bastaıtyn memleketterdiń básekege túsý qabileti dál osyndaı daǵdarystar men irgeli ózgerister kezinde shyńdalady. Qazaqstan jańa álemde óziniń laıyqty ornyn alýǵa tıis», dep málimdedi. Endeshe praımerızge qatysýshy úmitkerlerdiń de dittegeni – Táýelsiz Qazaqstannyń tuǵyryn bıiktetý, onyń álem elderi arasyndaǵy taýashasyn bekemdeı túsý. Dodaly báıgede Qazaqstannyń qaryshtap damýyna óziniń kreatıvti ıdeıalarymen, jańasha bastamalarymen naqty úles qos alatyn, júzden júırik, myńnan myqty azamattardyń jeńip shyǵatyny daýsyz.
Nursultan BALABIEV,
Praımerızge qatysýshy úmitker, Nur Otan partııasy janyndaǵy Jas Otan jastar qanatynyń múshesi, kásipker
Túrkistan oblysy
