Bul shara elimizdiń ónerkásiptik kásiporyndaryna Indýstrııa 4.0 negizgi tehnologııalary men taqyryptary boıynsha bilim transferin júzege asyrýǵa múmkindik beredi.
– Búgingi tańda Indýstrııa 4.0 – qubylmaly jaǵdaılarǵa beıimdelýdiń pármendi tásili jáne básekelestik kúreste aman qalý quraly. Indýstrııa jáne ınfraqurylymdyq damý mınıstrligi kásiporyndardyń sıfrlyq jańǵyrýǵa qatysty bastamalaryn belsendi qoldaıdy. Byltyr «QazIndustry» ortalyǵymen birlesip 102 óńirlik ónerkásiptik kásiporynǵa óndiriste Indýstrııa 4.0 elementterin engizý strategııasynyń ádistemesin jasady. Osy saıasatty jalǵastyra otyryp, biz bıyl Fraýngofer atyndaǵy ónerkásiptik ınjenerııa jáne avtomattandyrý ınstıtýtynyń nemis seriktesterimen birge vebınarlar serııasyn ótkizýdemiz, – dep atap ótti mınıstrliktiń Indýstrııalyq damý jáne ónerkásiptik qaýipsizdik komıtetiniń tóraǵasy Marat Qarabaev.
«QazIndustry» ındýstrııa jáne eksport ortalyǵy» AQ Indýstrııa 4.0 ortalyǵynyń dırektory Tańgúl Ábdirazaqovanyń aıtýynsha, sıfrlandyrý taqyryby boıynsha aýqymdy oqytýǵa kásiporyndar ǵana emes, damý ınstıtýttarynyń, IT-kompanııalarynyń, memlekettik organdardyń, túrli JOO men ǴZI ókilderi de qatysýda.
– Oqytý baǵdarlamasy 4 modýlden turady, onyń ishinde sıfrly óndiristi jáne kıberfızıkalyq júıelerdi baqylaý, derekter negizinde óndiristi ońtaılandyrý, smart-qyzmet kórsetý qamtyldy. Árbir modýl ınteraktıvti semınarlar formatynda ótedi, onda sarapshylar ekonomıkanyń túrli sektorlaryndaǵy tabysty keıster týraly áńgi-
meleıdi. Mysaly, búgin qatysýshylar prosesterdi sıfrlandyrý, qyzmetkerlerdiń biliktiligin arttyrý, kaıdzen jáne Lean tehnologııalaryn engizý boıynsha praktıkalyq keıstermen jáne modeldermen tanysty, – dedi ol.
Semınarda Fraýngofer IPA atyndaǵy mashına jasaý jáne avtomattandyrý ınstıtýtynyń ǵylymı qyzmetkeri jáne joba jetekshisi Býmın Hatıboglý sıfrlandyrý ómirdiń barlyq aspektilerin qalaı ózgertetinin aıtyp berdi.
– Tehnologııalar men bilim bazasynyń kómegimen ár prosesti modeldeýge jáne onyń nátıjesin aldyn-ala boljaýǵa bolady. Mysaly, Indýstrııa 4.0-diń áleýeti zor, kásiporyndar óz tıimdiligin damý deńgeıine baılanysty 30-50%-ǵa deıin arttyra alady. Atap aıtqanda, paıdalaný shyǵyndaryn 30%-ǵa, sapa shyǵyndaryn – 20%-ǵa deıin, aqaýlardy joıý shyǵyndaryn – 70%-ǵa, óndiris pen logıstıka shyǵyndaryn 20%-ǵa deıin tómendetýge bolady, – dep atap ótti ol.
Indýstrııa 4.0 boıynsha vebınarlar 5 qarashaǵa deıin jalǵasady, oǵan qatysýshylar ózderin alańdatqan saýaldardyń jaýabyn izdeıdi, onlaın rejimde nemis sarapshylarymen ózekti máselelerdi talqylaıdy.
Aıta keteıik, «QazIndustry» ındýstrııa jáne eksport ortalyǵy» AQ 2017 jyldan bastap ónerkásiptik kásiporyndardy sıfrlandyrý jumysyn júrgizýde. Fraýngofer IPA kómegimen kásiporyndar bazasynda qanatqaqty modeldik sıfrly fabrıkalar quryldy. Osylaısha 7 kásiporyn 13 mlrd teńgeden astam ınvestısııaǵa 51 jobany iske asyrady. Investısııanyń 600 mln teńgesi memlekettik qoldaý qarajatyn quraıdy. Engizilgen jobalardyń nátıjesinde kásiporyndar eńbek ónimdiligin 25%-ǵa, resýrs tıimdiligin 18%-ǵa arttyrýǵa, jabdyqtyń qyzmet etý merzimin 5%-ǵa uzartýǵa, óndiristik shyǵyndardy 20%-ǵa, eńbek shyǵyndaryn 30%-ǵa jáne energııa shyǵyndaryn 35%-ǵa azaıtýǵa qol jetkizdi.
