Álem • 25 Qyrkúıek, 2020

COVID-19: Kúzdegi kúres qıyn bolmaq

72 ret kórsetildi

Úndistan indettiń taralý kór­set­ki­shi boıynsha álemde ekinshi orynǵa shyqty. Pandemııa bastalǵaly 5 732 518 úndistandyq COVID-19 juq­ty­ryp, 91 149 adam ajal qushqan.

Úndistan densaýlyq saqtaý mınıstrliginiń baspasóz qyzmeti bir táýlikte 86 508 adam vırýs juqtyryp, 1129 azamattyń kóz jumǵanyn habarlady. Qazir 966 382 adam aýrýmen arpalysyp jatyr.

 

Japonııa eńbek mınıstrligi COVID-19 indetiniń kesirinen 60 myń­nan asa japondyq jumyssyz qal­ǵa­nyn málimdedi.

2020 jyly qańtardyń sońynan qazirge deıin 60 439 adam jumyssyzdar qataryn tolyqtyrǵan. Mınıstrlik bul kórsetkishtiń odan da joǵary bolýy múmkin ekenin joqqa shyǵarmapty.

Jumyssyzdyqtyń beleń alýy­na qarsy is-sharalar qarastyryp jatqan eldiń eńbek mınıstrligi pandemııa kesirinen óndirisin toqtatqan kásiporyndarǵa memleketten sýbsıdııa alý úshin ótinish berýge bolatynyn aıtty.

 * * *

COVID-19 indeti Parkınson aýrýy­na shaldyǵýdy arttyrýy múmkin. Aýstra­lııalyq ǵalymdar osyndaı bol­jam jasap otyr.

Mamandar bul vırýstyń adam mıyn zaqymdaıtyn patogendik qalyby bar dep esepteıdi. Zertteý avtor­la­ry­nyń biri Kevın Barnhem koronavırýs ınfeksııasynyń mıǵa áseriniń neırodegenerasııaǵa ákeletini pandemııa­dan keıin naqty belgili bolatynyn, alaı­da Parkınson aýrýy kóbeıetini anyq ekenin alǵa tartqan.

 * * *

Kanada premer-mınıstri Djastın Trıýdo koronavırýs ınfeksııasynyń ekinshi tolqyny kelgenin málimdedi.

«Eldiń tórt provınsııasynda ekinshi tolqyn órship tur» degen ol qaıta soqqan daýyldan qatty qaýiptenip otyr. Sondyqtan premer-mınıstr vırýsty kúsheıtpeý kanadalyqtardyń ózine baılanysty ekenin aıtyp, maýsymdyq tumaýǵa qarsy ekpe alyp, udaıy áleý­met­tik qashyqtyqty saqtap, maska taǵyp júrýge shaqyrdy.

 * * *

Chılıde bir kúnde 1372 adam indet juq­tyryp, elde aýyrǵandar sany 449 903 boldy.

Eldiń densaýlyq saqtaý mınıstrligi 907 adam aýrýhanalardyń jansaqtaý bóliminde dárigerlerdiń kúni-túni qadaǵalaýynda ekenin habarlaǵan. Al 680 pasıent jasandy tynys alý apparatyna qosylsa, 121 naýqastyń hali óte aýyr. Osyǵan deıin indetten 12 345 Chılı azamatynyń ómiri qıylsa, keshe taǵy 24 pasıenttiń tynysy toqtaǵan.

* * *

COVID-19 indetine qarsy jańa vaksına synaǵyna qatysýǵa 2 myń ulybrıtanııalyq erikti kelisimin bergen.

Financial Times basylymy habar­la­ǵan­­daı, vaksınany tájirıbeden ótkizý barysynda eriktiler aǵzasyna ádeıi vırýs jiberilip, vaksınanyń áseri tek­se­riledi. Sondaı-aq bir aıdan soń taǵy da vaksına egiledi degen sheshim bar. Tájirıbe 2021 jyldyń basynda London koroldik kolledji men hVIVO zertteý tobynyń qatysýymen júrgiziledi dep uıǵarylǵan. Alaıda bul Ulybrıtanııa bıligi men Etıka jónindegi táýelsiz ko­mı­tet­tiń ruqsatyn alǵanda ǵana múm­kin bolady.

 * * *

Slovenııa Úkimeti de vırýstyń qar­qyn­dy taralýyn eskerip, ekinshi tol­qyn bastalǵanyn habarlady.

23 qyrkúıekte Slovenııada 2616 adamnan alynǵan testten jańadan 136 aýrý juqtyrý faktisi tirkeldi. Al budan buryn 2335 testten 88 ǵana vırýs anyqtalǵan-dy. Úkimettiń baspasóz hatshysy Boıana Beovıch jazdaǵydaı emes, adamdardyń jabyq ǵımarattardyń ishinde kóbirek bolýy aýrý taralýyn jıiletkenin aıtqan.

 * * *

El Periodico gazeti Katalonııada 6 adamnan artyq jınalýǵa bolmaıtynyn jazdy.

Osyǵan deıin Katalonııada 10 adamǵa deıin toptasýǵa ruqsat berilse, endi ol 4 adamǵa qysqarǵan. Sondaı-aq Basha-Serdanıa aýdany turǵyndaryna asa bir muqtajdyq týmasa, úılerinen shyqpaýǵa keńes berilgen. Budan buryn el astanasy Madrıdtiń turmysy tómen, negizinen mıgranttar turatyn 6 aýdanynda karantın jarııalandy.

 

 

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar