Aımaqtar • 25 Qyrkúıek, 2020

Almatyda muqtaj otbasylardyń úıleri tegin gazdandyrylady

32 ret kórsetildi

Almatyda muqtaj otbasylardyń úıleri tegin gazdandyrylady. Bul týraly óńirlik kommýnıkasııalar qyzmeti alańynda ótken onlaın-brıfıng barysynda Almaty qalasynyń Naýryzbaı aýdany ákiminiń orynbasary Baǵlan Dándibaev málimdedi, dep habarlaıdy Egemen.kz

Búginde qala ákimdigi halyqtyń áleýmettik az qamtylǵan toptarynan shyqqan azamattardy gazben qamtamasyz etý boıynsha keshendi sharalar júrgizip jatyr. Jeńildikpen nesıelendirý nemese tegin negizde júzege asyrmaq.

"Bıyl biz 28 otbasyǵa tegin gaz júrgizdik. Gazben jabdyqtaýmen taǵy 46 úıdi qamtýdy josparlap otyrmyz. Jalpy búgingi kúni Naýryzbaı aýdanynda 310-ǵa jýyq gazdandyrylmaǵan úı bar", dedi Baǵlan Dándibaev.

Gazdandyrylmaǵan úılerdiń basym bóligi maýsymdyq úıler bolatynyn jáne saıajaı retinde paıdalanylatynyn atap ótti. Esterińizge sala keteıik, buǵan deıin Almaty qalasynda Baqytjan Saǵyntaevtyń bastamasy boıynsha Halyk Bank-pen birlesip, turǵyn úılerdi gazdandyrýdy jeńildikpen nesıe berý boıynsha jańa baǵdarlama ázirlendi.

Baǵdarlama − Almaty qalasynyń turǵyndaryna gazdy qosý úshin paıyzsyz nesıe berýge múmkindik beredi. Joba halyqtyń áleýmettik az qamtylǵan toptary sanatynyń turǵyndary úshin jáne óz turǵyn úıin gazdandyrǵysy keletin qalǵan almatylyqtar úshin keń qamtýǵa arnalǵan.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar