Álem • 25 Qyrkúıek, 2020

Polsha koronavırýsqa qarsy dári jasap shyǵarǵanyn málimdedi

19 ret kórsetildi

Polshada koronavırýsqa qarsy alǵashqy dári-dármek oılap tabyldy. Preparat  qazir klınıkalyq synaqqa jiberilgen, dep habarlaıdy Egemen.kz

Dárini Biomed kompanııasy koronavırýs juqtyryp, aýrýdan aıyqqan adamdardyń qan plazmasyn qoldana otyryp jasaǵan. Qazir olar preparatty klınıkalyq synaqtan ótkizý úshin tórt ortalyqqa jiberdi: Lıýblın, Bytom, Belostok jáne Varshavaǵa.

"23 qyrkúıekte óndiris kezeńi aıaqtaldy, nátıjesinde anti-SARS-CoV-2 ımmýnoglobýlıniniń úsh myńnan asa ampýlasy shyǵaryldy, olar qajetti testileýden ótken soń, onyń ishinde ónimniń turaqtylyǵyn tekserý aıaqtalǵannan keıin klınıkalyq synaqtarǵa jiberiledi. Kommersııalyq emes maqsatta klınıkalyq synaqtarǵa preparatty shyǵarý 2020 jyldyń tórtinshi toqsanyna josparlanǵan", - dedi kompanııa basshysy Marsın Pırog.

Preparat óndirisi 18 tamyzda bastalǵany atap ótildi.

"COVID-19-dy jazylyp shyqqan adamnyń qan plazmasymen emdeý ádisin DDU jáne Polsha Densaýlyq saqtaý mınıstrligi maquldady", - dedi preparattyń tusaýkeserine qatysqan Polsha parlamentiniń senatory, dáriger Gjegoj Cheleı.

Buǵan deıin Qytaıda koronavırýsqa qarsy 11 vaksına klınıkalyq synaqtan ótip jatqany habarlanǵan bolatyn. 

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar