Aımaqtar • 25 Qyrkúıek, 2020

Altyn kontrabandasymen aınalysqan qylmystyq toptyń joly kesildi

217 ret kórsetildi

Quqyq qorǵaý organdarynyń birlesken kúshteri altyn kontrabandasy boıynsha qylmystyq áreketti áshkereledi, dep habarlaıdy Egemen.kz IIM silteme jasap.

Aqmola oblystyq Polısııa departamentiniń jáne prokýratýrasynyń qyzmetkerleri Ulttyq ulan kúshterin tarta otyryp, óndiristik obektilerde altyndardy urlaýmen jáne kontrabandamen aınalysatyn uıymdasqan toptyń qylmystyq is-áreketiniń jolyn kesti.

Top músheleri Stepnogorsk qalasy men Shortandy aýdanynyń aýmaǵynda ornalasqan ken oryndarynan quramynda altyny bar kendi óndirgen.

Sondaı-aq shıkizatty óńdeıtin toǵyz jasyryn shaǵyn seh joıyldy. Munda altyn kennen qolmen óndirilip, shetelge shyǵarylǵan. Polıseıler barlyǵy jeti qylmystyq topty əshkereledi. Olardyń quramynda jaqyn shet memleketterdiń azamattary da boldy.

Tintý 72 obektide júrgizildi. Zańsyz aınalymnan 26 tonnadan astam ken, 10 kelige jýyq altyn, 3 keliden astam kúmis tárkilendi. Odan ózge polısııa qyzmetkerleri alty usaqtaý qondyrǵysyn, baılanys quraldaryn, keńse tehnıkasyn, aqsha qarajatyn, arnaıy tehnıka men avtokólikti anyqtady. Bulardy top músheleri ózderiniń zańsyz áreketteri úshin paıdalanǵan.

Quqyq qorǵaý organdarynda qylmystyq árekettiń barlyq anyqtalǵan epızodtary boıynsha sotqa deıingi tergeý bastaldy. Qazir 10 adam qamaýda. Jedel-tergeý sharalary jalǵasýda.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar