Qoǵam • 25 Qyrkúıek, 2020

Nur-Sultanda janýarlardy qorǵaý jónindegi keńes qurylady

11 ret kórsetildi

Nur-Sultanda janýarlardy qorǵaý jónindegi keńes qurylady. Onyń quramyna janýarlardy qorǵaýshylar, qoǵam qaıratkerleri, veterınarııa qyzmetkerleri, ǵalymdar, aýylsharýashylyq ýnıversıtetteriniń oqytýshylary jáne praktık-veterınarlar kiredi. Toptyq kezdesýler toqsan saıyn ótkizilip turady. Bul týraly búgin janýarlardy qorǵaý uıymdarynyń ókilderimen kezdesýinde ákimniń orynbasary Nurlan Soltambekov málimdedi, dep habarlaıdy Egemen.kz.

Keńes qala ákimdigi janynan jumys isteıtin bolady. Ol janýarlardyń quqyǵyn qorǵaýmen, qalany kútip ustaýǵa arnalǵan ınfraqurylymmen, úısizdik problemalarymen (baspana, janýarlar popýlıasııasyn retteý) aınalysady, eń bastysy, janýarlarǵa izgilikpen qaraý prınsıpterin qoldaıdy.

Janýarlar quqyǵyn qorǵaýshylar memlekettik organnyń bastamasyn qoldady.

"Biz qoǵamdyq keńes qurý týraly 2017 jyldan beri aıtyp kelemiz, tipti qamqorshylar keńesine ereje jazdyq, biraq ol ótpedi. Meniń oıymsha, bul durys kózqaraspen jasalǵan jaqsy bastama. Ákimdik tarapynan qoǵamdyq baqylaý jáne uıymdastyrýshylyq qoldaý bolady", - dedi INUCOBO janýarlardy qorǵaý qaýymdastyǵynyń prezıdenti Lılııa Sarsenova.

Kezdesýde jańa pıtomnıkti senimgerlik basqarýǵa berý máseleleri de talqylandy. Jıynǵa INUCOBO janýarlardy qorǵaý qaýymdastyǵynyń prezıdenti Lılııa Sarsenova, Halfwayhome janýarlar baspanasynyń basshysy Ganıken Derbısalıeva, "Iа jıvoı" baspanasynyń basshysy Elızaveta Lıpıseı, "Kovcheg" baspana uıymdastyrýshysy Sıýzanna Chýlanova jáne t.b. qatysty.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar