Aımaqtar • 25 Qyrkúıek, 2020

Qaraǵandyda erekshe balalarǵa arnalǵan tegin sport seksııalary ashyldy

39 ret kórsetildi

Qaraǵandyda alǵash ret aýtızm, sal aýrýyna, daýna sındromyna, psıhologııalyq aýytqý syrqattaryna shaldyqqan balalarǵa arnalǵan sport seksııalary ashyldy, dep habarlaıdy Egemen.kz Baq.kz-ke silteme jasap.

Sýretter Baq.kz saıtynan alyndy

Endi erekshe balalar beıimdelgen taekvondomen, ınklıýzıvti horegrafııamen, beıimdelgen sýda júzýmen jáne bochcha sport túrlerimen tegin túrde aınalysa alady. 

"Salamatty bolashaq" áleýmettik jobasy aıasynda ashylǵan mundaı sport seksııalary buǵan deıin elimizdiń ózge de qalalarynda jáne de Qaraǵandy oblysynyń Jańaarqa aýdanynda ashylǵan bolatyn. Joba aıasynda Qaraǵandy aımaǵy boıynsha 100-ge tarta balany sportqa tartý kózdelip otyr. 

"Erekshe balalar úshin qozǵalysta bolý óte mańyzdy. Bul aldymen az qozǵalýdyń saldarynan bolatyn syrqattardyń aldyn alady. Sondaı-aq, balalar úshin beıimdelgen sport túrlerimen aınalysý olardyń fızıkalyq jáne kommýnıkatıvtik qabiletteri ashylady", deıdi jobanyń kordınatory Nurgúl Uljekova. 

Atalǵan sport seksııalarynyń taǵy bir ereksheligi onda erekshe balalar damýynda aýytqýy joq deni saý balalarmen qatar bir topta sportpen aınalysatyn bolady.

"Osyndaı ınklıýzıvti baǵytta Nur-Sultan qalasyndaǵy sport seksııalary birneshe jyl qatarynan jemisti jumys istep keledi. Bizdiń fond joba aıasynda trenerlerdi oqytý, olardyń eńbekaqysyn tóleý, arnaıy sporttyq ınventarmen jáne metodıkalyq jabdyqtarmen qamtamasyz etýge jumsalatyn qarjyny óz moınyna alady. Biz osylaısha múgedek jandardyń ómir súrý sapasyn arttyrýyna úlesimizdi qosamyz", deıdi "Mır ravnyh vozmojnosteı" fondynyń dırektory Nurgúl Uljekova. 

Erekshe balalar shynyǵatyn beıimdelgen sýda júzý seksııasy Qaraǵandynyń "Balalar jáne jasóspirimder saraıynda", bochcha seksııasy №27 Jalpy bilim beretin mektepte jáne qımyl-tirek apparaty buzylǵan balalarǵa arnalǵan Qaraǵandy oblysynyń mektep-ınternatynda uıymdastyrylatyn bolady. Al beıimdelgen taekvondo seksııasy "Qaraǵandy oblystyq Taekvondo Federasııasynda" uıymdastyrylsa, ınklıýzıvti horegrafııamen Dostyq úıiniń ǵımaratynda aınalysýǵa bolady. 

"Men erekshe balanyń anasymen. Búgin qyzym bochcho sporttyq oıynyna qatysty. Bochcho Qazaqstandaǵy jańa sport túri bolǵanymen ol jazǵy Paraolımpıada oıyndaryndaǵy múgedekter arbasyndaǵy sportshylardyń qatysatyn sporty. Osy sport seksııalary erekshe balalardyń sportqa ǵana emes, ortaǵa beıimdelip, olardyń bolashaqta olımpıadalarǵa qatysýlaryna berilgen múmkindik dep bilemin. Bizdiń balalarymyzǵa kórsetilip jatqan qamqorlyqqa alǵysym sheksiz", deıdi Gaýhar Akıjanova.

 

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar