Qoǵam • 25 Qyrkúıek, 2020

Májilis depýtaty jumyspen qamtý ortalyqtarynyń bylyǵyn áshkereledi

248 ret kórsetildi

Májilis depýtaty Qudaıbergen Erjan jumyspen qamtý ortalyqtary joǵary kórsetkishterge qandaı jolmen qol jetkizetinin aıtyp berdi, dep habarlaıdy Egemen.kz

Depýtat búginde jumys istep turǵan 200-ge jýyq jumyspen qamtý ortalyǵynyń basty mindeti – jumyssyzdardy jumysqa ornalastyrýǵa járdemdesý ekenin atap ótti. Biraq mundaı ortalyqtar joǵary kórsetkishterge qol jetkizý úshin túrli zańbuzýshylyqtarǵa baryp jatady.

"Máselen, jumyspen qamtý ortalyqtarynyń qyzmetkerleri jumys berýshilermen kelisedi de ortalyq joldamasymen qaıtadan jumysqa ornalasty dep belgi qoıady. Iаǵnı eńbek naryǵy aqparattyq júıesine ózgeris engizý olar úshin ońaı. Al shyn máninde jańa jumys orny ashylǵan joq. Biraq is júzinde álgi adam óz kásipornynda jumysyn jalǵastyryp jatdady. Osylaısha jumyspen qamtý kóbine, formaldy túrde ótedi", dedi depýtat Májiliste ótken úkimet saǵatynda.

Osyǵan baılanysty Qudaıbergen Erjan jumyspen qamtý prosesterin avtomattandyrý qajettigi týyndaǵanyn aıtty.

Sondaı-aq Eńbek jáne halyqty áleýmettik qorǵaý mınıstri Birjan Nurymbetov depýtattyń sózimen tolyq kelisetinin bildirdi.

"Mundaı problema bary jasyryn emes. Ony prokýratýra tekserip, aıqyndaǵan. Nysanaly kórsetkishter úshin jalǵan jumysqa ornalastyrý, bir mekemeden shyǵaryp, oǵan qaıta kirgizý jaǵdaılary tirkeldi. Jumyspen qamtý ortalyǵy adamdy jumysqa jibererdiń aldynda, aqparattyq júıe onyń aldyńǵy jumysyn tekserip alady. Sóıtip ol adamǵa bir jerden jumystan shyǵyp, oǵan qaıtyp barýyna aqparattyq júıe jol bermeıdi", deıdi B.Nurymbetov.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar