Aımaqtar • 25 Qyrkúıek, 2020

Alıment tólemegen áke qolǵa tústi

23 ret kórsetildi

Alıment tóleýden qashyp, Reseı Federasııasynyń Omby qalasynda jasyrynyp júrgen 36 jastaǵy kókek ákeni Soltústik Qazaqstan oblysynyń polıseıleri izdep tapty, dep habarlaıdy Egemen.kz

Soltústik Qazaqstan oblysynyń Polısııa departamenti Kóshi-qon qyzmeti basqarmasynyń qyzmetkerleri boryshkerler men alıment tólemeýshilerdi izdestirý boıynsha aksııa ótkizgen edi. Úsh kúndik aksııa barysynda izdeýdegi 13 adamnyń júrgen jerleri anyqtaldy. Solardyń ishinde joǵaryda atalǵan 36 jasar kókek ákeni Ýálıhanov aýdandyq polısııa bóliminiń qyzmetkerleri anyqtady. Ol kámeletke tolmaǵan ulyna qamqorlyq jasaýdy umytyp, 2018 jyldan beri izdeýde bolǵan. Endi sot oryndaýshylary bereshekti óndirip alý úshin sharalar qabyldaıtyn bolady.

"Izdeýdegi adamnyń   basqa memlekette júrgeni týraly aqparat alǵannan keıin, oǵan memleketaralyq izdeý jarııalanady. Ol jerge baǵyt-baǵdar men izdestirý tapsyrmalary joldanady", dedi oblystyq Polısııa departamenti Kóshi-qon qyzmeti basqarmasynyń aǵa ınspektory Edil Qazıev.

Atalǵan aksııanyń barysynda týystarymen qatynasyn úzip,  habarsyz bolyp ketken adamdardyń da júrgen jerleri anyqtaldy. Máselen, Jambyl aýdanynyń polısııa bólimine Ýkraınskoe aýylynyń turǵyny júginip, eki jyl boıy jıeniniń qaıda júrgenin bilmeıtinin aıtqan. Tártip saqshylary onyń Petropavl qalasynda júrgenin anyqtap, oǵan týys apasynyń izdep júrgenin habarlady jáne baılanys málimetterin tabystady.

Búgingi tańda izdeý jarııalanǵan taǵy 16 adam alıment tólemeýshilerdiń, al 32 boryshker jáne týystarymen baılanysyn joǵaltqan 17 adam izdestirilýde.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar