Ońtústik Qazaqstan • 25 Qyrkúıek, 2020

Túrkistanda negizgi kapıtalǵa baǵyttalǵan ınvestısııa kólemi 260 mlrd teńge boldy

13 ret kórsetildi

Bıylǵy 8 aıdyń qorytyndysymen Túrkistan oblysynyń negizgi kapıtalyna baǵyttalǵan ınvestısııa kólemi 260 mlrd teńgeni qurady. О́tken jyldyń tıisti kezeńimen salystyrǵanda bul kórsetkish 28%-ǵa ósken. Atalǵan somanyń 41,5% paıyzyn jeke ınvestısııalar qurap otyr, dep habarlaıdy Egemen.kz

О́ńirlik kommýnıkasııalar qyzmetinde ótken brıfıngte Túrkistan oblysynyń ınvestısııa jáne eksport basqarmasynyń basshysy Isa Qudabekov osyndaı derekter keltirdi.

"О́ńirde 2020-2024 jyldarǵa arnalǵan ınvestısııalyq jobalar pýly qurylǵan. Munyń aıasynda 1,8 trln teńge somaǵa 201 joba qolǵa alynyp otyr. Búgingi kúni 2020 jylǵy jobalardan 31,5 mlrd  teńge somasyna 9 joba iske qosylyp, 407 jumys orny ashyldy. Al sheteldiń qatysýymen 25,8 mlrd teńge somasyna 2 joba júzege asyrylyp, 160 jumys orny ashyldy",  dedi basqarma basshysy.

1

Sondaı-aq Isa Qudabekov oblys ákiminiń basshylyǵymen strategııalyq sıpattaǵy ınvestorlardyń máselelerin qaraıtyn ınvestısııalar tartý jónindegi óńirlik keńes jumys isteıtinin atap ótti. Al ınvestısııalar tartý jáne eksportty damytý jónindegi Turkistan Invest óńirlik agenttigi ınvestorlar úshin front-ofıs qyzmetin atqarady jáne "bir tereze" qaǵıdaty boıynsha qoldaý kórsetedi. Bıyl júzege asqan 9 joba Turkistan Invest agenttiginiń tikeleı súıemeldeýimen iske qosylǵan.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar