Bıznes • 25 Qyrkúıek, 2020

Almatyda "Damý" qory kásipkerlerge qarjylaı qoldaý kórsetti

13 ret kórsetildi

Bıyl, ıaǵnı 2020 jyly kásipkerlikti nesıeleýdi qoldaýdaǵy memlekettik baǵdarlamany iske asyrý úshin "Damý" Kásipkerlikti damytý qory" AQ Almaty  kásiporyndaryna nesıeniń jalpy somasy 122,6 mlrd teńge bolatyn 120 jobaǵa paıyzdyq mólsherlemeni sýbsıdııalaý túrinde qarjylyq qoldaý kórsetti. Nesıelerdi kepildendirýge 20 mlrd teńge somasyna 168 joba qol jetkizdi, al kepildik somasy 6,3 mlrd teńgeni quraıdy, dep habarlaıdy Egemen.kz

"Damý" Qorynan qoldaý alǵan kompanııalardyń qataryna: káriz qubyrlary men tereze profılderi PVH óndiretin Novus Polymer JShS, "Suńqar" emdeý-dıagnostıkalyq ortalyǵy men televızorlar qurastyratyn Astro Engineering JShS kásiporny kirdi.

ShOB nesıe boıynsha paıyzdyq mólsherlemeni azaıtý múmkindigi usynylǵan paıyzdyq mólsherlemesi bóligin sýbsıdııalaý sharttary boıynsha  kásiporyndar ónim óndirisi men qyzmet kórsetý shoǵyryn ulǵaıtýǵa múmkindik beretin jabdyqtar satyp aldy.

Káriz qubyrlary men tereze jaqtaýlary PVH óndiretin zaýyt Novus Polymer JShS 12 jyldan astam ýaqyttan beri jumys istep keledi. О́nim  óndirisiniń jalpy áleýeti jylyna 30 myń tonnadan asady. Búgingi tańda kompanııa shtatynda 300 qyzmetker jumys isteıdi.

"Bizdiń kásiporyn "Damý-О́ndiris" baǵdarlamasy boıynsha memlekettik qoldaýǵa ıe boldy. 6% jyldyq mólsherlememen 300 mln teńge soma nesıeni "Qazaqstan Halyq banki" AQ maquldady. Atalǵan qoldaýdyń arqasynda biz kompanııanyń aınalymdyq qarajatyn toltyrdyq", dep atap ótti bıznesti damytý jónindegi dırektor Shuǵa Samıeva.

"Damý" qorynyń qarjylyq qoldaýyna ıe bolǵandardyń taǵy biri – jas kompanııa Astro Engineering. Uıym 2018 jyldan beri TCL saýda markasy televızorlaryn qurastyrýmen aınalysady. Búgingi tańda  Astro Engineering Almaty qalasyndaǵy turmystyq tehnıkany satatyn barlyq iri jelilerde usynylǵan.

"Bıyl kompanııa "Damý-О́ndiris" baǵdarlamasy boıynsha memlekettik qoldaýdy paıdalandy. 600 mln teńge somasyna qajetti shıkizatty satyp alýǵa jeńildikpen nesıeni "Qazaqstan Halyq Banki" AQ aldyq. Baǵdarlama boıynsha mólsherleme jyldyq 6%-dy qurady", deıdi kompanııa dırektory Ashat Altaev.

"Suńqar" emdeý-dıagnostıkalyq ortalyǵy" medısınalyq qyzmet kórsetý naryǵynda 2007 jyldan beri jumys istep keledi, bıznesti qoldaýdyń memlekettik baǵdarlamasy aıasynda jabdyqtar satyp alýǵa jeńildikpen nesıe alý múmkindigine ıe boldy.

"Bıznestiń jol kartasy-2020" baǵdarlamasy sheńberinde bizdiń kompanııa ekinshi deńgeıli bankten 14% jyldyq mólsherleme boıynsha 550 mln teńge somasyna nesıe aldy, onyń 8,4%-yn "Damý" qory sýbsıdııalaıdy. Nesıege alǵan qarajatqa kompanııa jabdyqtar – MRT jáne KT apparattaryn satyp aldy", dedi "Suńqar" EDO dırektory Qýanysh Kerimqulov.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar