Aımaqtar • 25 Qyrkúıek, 2020

Qaıyrymdylyqty da paıdalanatyndar kóbeıdi...

26 ret kórsetildi

Kómekke muqtaj jandardyń derekterin jazyp alyp, járdem retinde aýdaratyn nemese qaryzǵa beretin aqshany aýdarý úshin óziniń esepshotyn kórsetetin alaıaq kóp, dep habarlaıdy Egemen.kz

"Dana degen qyzǵa jedel ota jasaý kerek, jaǵdaıy aýyr, soǵan kómektesińizshi" degen fotosy men jazýy bar qobdısha ustap, oǵan aqsha salýdy surap júrgen jas jigitter men qyzdardy jıi kórýge bolady. Bulardyń birazy eriktiler emes, alaıaqtar bolyp shyqty.

"Fotoda meniń atymnan jazylǵan nómir kórsetilgen, profılde meniń fotosýretim tur. Aqsha suraıdy! Olar alaıaqtar. О́tinemin, eshteńe aýdarmańyz. Men bireýge hat jazyp, bir nárse suraǵan emespin! Saq bolyńyz", dep Dana esimdi jeli qoldanýshysy óziniń Instagram paraqshasynda habarlama jarııalaǵan. Osyndaı eskertýdi taǵy bir belsendi bloger óziniń paraqshasynda jazǵan.

"О́kinishke qaraı, mundaı faktiler jıi kezdesedi. Sońǵy úsh jylda osyndaı qarapaıym aldaý ádisin alaıaqtar jıi paıdalanyp keledi", deıdi Soltústik Qazaqstan oblystyq Polısııa departamenti Krımınaldyq polısııa basqarmasynyń basshysy, polısııa polkovnıgi Petr Klımov.

Kómekke muhtaj jandardyń derekterin jazyp alyp, járdem retinde aýdaratyn nemese qaryzǵa beretin aqshany aýdarý úshin óziniń esepshotyn kórsetetin alaıaq kóp. Bizdiń adamdardyń júrekteriniń jumsaq, meıirimdi ekenin bilip, osylaı paıdalanatyn alaıaqtar da shyǵypty.

Jyl basynan beri ınternet-alaıaqtardyń osyndaı qarapaıym aıla-amaldaryna túsip qalǵan úsh soltústikqazaqstandyq polısııaǵa júgingen.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar