Taǵaıyndaý • 25 Qyrkúıek, 2020

Oljas Qudaıbergenov jańa qyzmetke taǵaıyndaldy

368 ret kórsetildi

Ulttyq ekonomıka mınıstrligi janyndaǵy Basqarýshy keńestiń otyrysynda Qazaqstan Respýblıkasyndaǵy memlekettik basqarýdyń jaǵdaıy men bolashaǵy talqylandy, dep habarlaıdy Egemen.kz

Keńes tóraǵasy bolyp ekonomıst, Qazaqstan Respýblıkasy Prezıdentiniń janyndaǵy áleýmettik-ekonomıkalyq reformalardyń monıtorıngin taldaý ortalyǵynyń múshesi Oljas Qudaıbergenov saılandy.

Ulttyq ekonomıka mınıstri Rýslan Dálenov Keńestiń negizgi mindetterin túsindirdi.  Bul Mınıstrliktiń qyzmetin baǵalaý jáne jetildirý boıynsha usynymdyq sheshimder ázirleý.

Kún tártibi boıynsha Ulttyq ekonomıka vıse-mınıstri Aıgúl Shaıymova sóz sóıledi. Onyń aıtýynsha, sapa men tıimdilikti arttyrý úshin memlekettik apparatty basqarýdyń quzyrettilik tásiline kóshirý josparlanýda. Bul uıymdyq qurylymǵa ıkemdilik beredi jáne memlekettiń ekonomıkalyq kún tártibiniń trendterin eskere otyryp, memlekettik organdar qurylymynda "jumsaq" departamentter qurýǵa múmkindik beredi.

Otyrysqa qatysýshylar qoıylǵan mindetterdi nátıjeli sheshý úshin memlekettik organdardyń kadrlyq áleýetin odan ári jetildirý boıynsha usynystar jasady.

Ulttyq ekonomıkalyq vedomstvo basshysy Rýslan Dálenov usynylǵan sharalardy iske asyrý tetigi jańa ekonomıkalyq saıasattyń negizgi baǵyttary boıynsha nátıjege qol jetkizýge baǵyttalatynyn atap ótti.  Quzyrettilik tásil qabyldanǵan sheshimderdiń tıimdiligin arttyrady. О́ıtkeni basqarýshylyq sheshimder qabyldaýdyń tek bir ǵana deńgeıi bolady.

Eske salsaq, buǵan deıin Rýslan Dálenov Prezıdenttiń kadrlyq rezervi quramymen kezdesýinde Basqarýshy keńestiń qurylatynyn jarııalap, sonymen qatar kadrlar rezerv ókilin osy keńestiń quramyna qosý týraly oı aıtqan edi.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar