Búgin, 6 qarasha kúni Tájikstanda prezıdent saılaýy ótip jatyr. Jergilikti ýaqyt boıynsha 6:00 saǵatta 68 okrýgtik saılaý komıssııalary men 3 158 ýchaskelik saılaý ýchaskeleri jumystaryn bastady. Bul týraly RIA «Novostı» habarlady.
Bulardan bólek, elden syrt jaqtarda 60 ýchaske ashyldy. Olardyń 24-i Reseı jerinde ornalasty. Memlekettik baspahanalar tájik, orys, ózbek jáne qyrǵyz tilderinde 4 mln. danadan astam bıýlleten basyp shyǵardy.
Saılaýǵa 5 úmitker tústi. Olardyń arasynda qazirgi bılik basyndaǵy Halyq-demokratııalyq partııasynan – Emomalı Rahmon, Kommýnıstik partııadan – Ismoıl Talbakov, Agrarlyq partııadan – Tolıbbek Býhorıev, Ekonomıkalyq reforma partııasynan – Olımdjon Boboev jáne Sosıalıstik partııadan Abdýhalım Gafarov bar.
Saılaýdyń barysyn 500-den astam halyqaralyq baqylaýshylar qadaǵalap otyr. Olar 30-ǵa jýyq eldiń ókilderi bolyp tabylady.
Biraq eshkim de bul saılaýdan sıýrprız kútip otyrǵan joq. Sarapshylar da, elektorat ta qazirgi is basyndaǵy prezıdent Emomalı Rahmonnyń birinshi týrda-aq jeńiske jetetinine kúmándanbaıdy. Másele tek onyń prezıdent bolǵanyn zańdastyryp berýde ǵana qalǵan sııaqty. Barlyq buqaralyq aqparat quraldary osyny málimdep jatyr.
Sáken Maılybaı.
