Úkimet • 25 Qyrkúıek, 2020

Úkimet qaýlysymen bekitilgen tegin vaksınalaý kimderge egiledi?

50 ret kórsetildi

Úkimet Qaýlysymen kepildendirilgen tegin medısınalyq kómek sheńberinde profılaktıkalyq vaksınalaýǵa tıis aýrýlardyń túrleri bekitildi, dep habarlaıdy Egemen.kz

Sonymen qatar qujatta egý merzimderi men onyń kimderge jasalatyny kórsetildi.

Qaýlyǵa sáıkes, kelesi ınfeksııalyq jáne parazıttik aýrýlarǵa qarsy mindetti profılaktıkalyq ekpeler (vaksınalar men basqa da ımmýndyq bıologııalyq preparattardy salý) respýblıkalyq bıýdjet qarajaty esebinen júrgiziledi:

1) josparly profılaktıkalyq ekpeler:

"V" vırýsty gepatıti;

b tıpti gemofıldik ınfeksııa;

dıfterııa;

kókjótel;

qyzylsha;

qyzamyq;

pnevmokokk ınfeksııasy;

polıomıelıt;

sirespe;

týberkýlez;

epıdemııalyq parotıt; 

2) epıdemııalyq kórsetilimder boıynsha profılaktıkalyq ekpeler:

qutyrma;

ish súzegi;

kóktemgi-jazǵy kene ensefalıti;

oba.

Al kelesi ınfeksııalyq aýrýlarǵa qarsy epıdemııalyq kórsetilimder boıynsha mindetti profılaktıkalalyq ekpeler (vaksınalar men basqa da ımmýndyq bıologııalyq preparattardy salý) jergilikti bıýdjetterdiń qarajaty esebinen júrgiziledi:

"A" vırýsty gepatıti;

tumaý;

kúıdirgi;

týlıaremııa.

Profılaktıkalyq ekpeler tegin jasalatyn halyq sanaty:

1)mindetti profılaktıkalyq ekpeler júrgizý belgilengen merzimderge sáıkes jasy boıynsha adamdar;

2) ınfeksııalyq aýrýlardyń (kóktemgi-jazǵy kene ensefalıti, kúıdirgi, týlıaremııa, oba) tabıǵı oshaqtarynda turatyn jáne jumys isteıtin turǵyndar;

3) óziniń kásibı qyzmetiniń túri boıynsha qater toptaryna jatatyn adamdar:

medısına qyzmetkerleri ("V" vırýsty gepatıti, tumaý);

káriz jáne tazalaý qurylystarynyń qyzmetkerleri (ish súzegi);

4) óz densaýlyǵynyń jaǵdaıy boıynsha qater toptaryna jatatyn adamdar, onyń ishinde:

qan quıylǵan adamdar ("V" vırýsty gepatıti);

medısınalyq uıymda dıspanserlik esepte turǵan balalar (tumaý);

5) balalar úıleriniń, sábıler úıleriniń balalary, qarttar úıleriniń kontıngenti (tumaý);

6) kez kelgen janýar tistegen, silekeıin jaqqan adamdar (qutyrma);

7) jaraqat alǵan, teri qabattary men shyryshty qabyqtarynyń tutastyǵy buzylyp jaralanǵan adamdar (sirespe);

8) vaksınalaý epıdemııalyq kórsetilimder boıynsha júrgiziletin ınfeksııalyq syrqattaný deńgeıi joǵary óńirlerde turatyn adamdar ("A" vırýsty gepatıti, tumaý, qyzylsha, qyzamyq, epıdemııalyq parotıt).

Profılaktıkalyq ekpelerdi júrgizý merzimderin myna siltemeden kórýge bolady.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar