Aımaqtar • 26 Qyrkúıek, 2020

Ábilqaıyr Sqaqov Pavlodardyń qurylys ýchaskelerin aralady

22 ret kórsetildi

Oblys ákimi jylý trassalaryn rekonstrýksııalaý, mektepter men balabaqshalardy jóndeý jáne salý jumystaryn tekserdi, dep habarlaıdy Egemen.kz Pavlodarnews.kz saıtyna silteme jasap.

Birinshi kezekte Pavlodar oblysynyń ákimi jylý trassasyn aýystyrý jumystary aıaqtalyp jatqan Qamzın kóshesiniń ýchaskesinde boldy. "Nuraı Qurylys" JShS merdigerleri jylý kameralaryn baılap, ordyń kishkene bóligin kómip tastaý qalǵanyn habarlady. Turǵyn úıler men áleýmettik nysandardy jylýmen jáne ystyq sýmen jabdyqtaýǵa qosý úshin 1 qazanǵa deıin magıstraldy tapsyrýǵa ýáde berdi.

О́ńir basshysy qalalyq ákimdik ókilderine nysandy únemi qadaǵalap otyrýdy tapsyrdy jáne qurylys-jóndeý jumystaryn muqııat josparlanbaǵanyn aıtty.

"Osy ýaqytqa qaraı jylý men ystyq sý berilý kerektigin bári biledi. Mundaı jobalardyń qazan aıynyń sońyna deıin aıaqtalýyn qalaı josparlaı alasyz",  dep surady Ábilqaıyr Sqaqov. - Bul jaǵdaıda alshaqtyq úsh aptaǵa sozylyp otyr.

Lermontov pen Astana kósheleriniń qıylysynda jóndeý jumystaryn júrgizip jatqan merdigerler de jylý magıstralin jaqyn kúnderi paıdalanýǵa beremiz dep ýáde berdi.
photo5438519299842092567.jpg
О́ńir basshysynyń áleýmettik nysandardaǵy jumys ýaqyty týraly da suraqtary boldy. Jaıaý Musa kóshesi, 4 mekenjaıyndaǵy balabaqsha ǵımaratyna barǵan kezde qurylysshylar taǵy eki apta ýaqyt surady.

"Qurylys sapasyn baqylaýǵa ata-analardy tartý qajet. Osy balabaqshaǵa baratyn balalardyń analary men ákeleri merdigerdiń barlyq kemshilikterdi dereý joıýy úshin ózderiniń kóńilinen shyqpaıtyn tustardy aıtsyn", dep tapsyrdy oblys ákimi.

Abaı atyndaǵy gımnazııada japsarjaı qurylysy aıaqtaldy, alaıda irgeles aýmaq pen kólik turaǵyn abattandyrý jumystary jalǵasýda. Mekteptiń negizgi korpýsynda "Jumyspen qamtýdyń jol kartasy" baǵdarlamasy boıynsha sport zaly jóndeldi, qasbetti árleýge kirisýde. О́ńir basshysy merdigerlerge jumystardyń merzimi men sapasy úshin jaýapkershilik baryn eske saldy.
photo5438519299842092571.jpg
350 oryndyq jańa mektep ǵımaraty salynyp jatqan Zaton shaǵyn aýdanynda jaǵdaı basqasha. «Qurylys «BQB» JShS nysandy kelesi jyly tapsyrýy kerek edi, biraq ony jaqyn arada tapsyrýdy josparlap otyr. Qurylysshylarǵa oqý ornyn kerek-jaraqpen jáne jıhazben jabdyqtaý, fýtbol, basketbol jáne voleıbol alańdary bar sport aımaǵyn jaılastyrý jáne aýmaqty kógaldandyrý qaldy.
photo5438519299842092573.jpg
Ábilqaıyr Sqaqov jumys babymen aralaý barysynda sondaı-aq «Shahmat úıi» men Y. Altynsarın atyndaǵy oblystyq gımnazııa-ınternatyndaǵy jóndeý jumystaryn tekserdi. Oblys ákimi bul mekemelerdiń tárbıelenýshileri úshin barynsha qolaıly jaǵdaı jasaýdy talap etti.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar