Elorda • 26 Qyrkúıek, 2020

Elorda ákimi IT-keńestiń qurylǵany týraly málimdedi

14 ret kórsetildi

IT-keńes tájirıbe almasýǵa, jobalardy talqylaýǵa jáne jańa trendterdi anyqtaýǵa baǵyttalatyn bolady. Bul týraly Nur-Sultan qalasynyń ákimi Altaı Kólginov ınstagram paraqshasynda jazdy, dep habarlaıdy Egemen.kz.

«Zamanýı tehnologııalar bir ornynda turmaı, joǵary qarqynmen damyp keledi. Sıfrlandyrý ómirimizdiń barlyq salasynda mańyzdy ról atqarady. Bizge bastysy qala tirshiligin qamtamasyz etý úshin odan da qolaıly ári qaýipsiz jaǵdaı jasaýǵa múmkindik beretin jańa tehnologııalardy belsendi túrde engize berý qajet.

Pandemııa bizge elektrondyq qyzmetterdi damytý qanshalyqty mańyzdy ekenin kórsetti. Mysaly, tótenshe jaǵdaı rejımi kezinde azyq-túlik júkteri baqylaý-ótkizý beketterinen esh kedergisiz ótýi úshin jasyl dáliz qurdyq. Iаǵnı, júk kólikteri júrgizýshilerine kezekte turyp, qaǵaz qujattar arqyly júk pen qozǵalys baǵytyn jáne taǵy basqany qaıta-qaıta rastaý kerek bolmady. Bul málimetter elektrondyq bazaǵa engizildi. Jedel medısınalyq járdem stansalarynyń jumysyn jeńildetken birqatar qosymsha men baza quryldy. Medısınalyq uıymdar telemedısınaǵa kóshti. Bundaı mysal kóp.

Sıfrlyq tehnologııalardy odan ári damytyp, olardy ómirimizdiń barlyq salasyna engizý úshin IT-keńes qurdyq. Ol tájirıbe almasý, jobalardy talqylaý men jańa trendterdi anyqtaýmen aınalysady. Búgin «Astana IT University» bazasynda birqatar mańyzdy baǵytty talqyladyq.

Birinshi. Qala mektepterine STEM-tehnologııalar engizip jatyrmyz. Bul oqýshylarǵa 3D-obektiler jasaýǵa, robottardy modeldeýge, ǵylymı-tehnıkalyq bilimdi birden tájirıbe júzinde qoldanýǵa múmkindik beredi. Bul árıne oqýǵa degen qyzyǵýshylyqty arttyryp, sabaq úlgerimin jaqsartady, bolashaq mamandyǵyn tańdaýǵa da kómektesedi. Jańa mektepte (Saýran kóshesi, 5/1) qashyqtan oqýǵa arnalǵan tehnıkamen jabdyqtalǵan onlaın-stýdııa ashyldy. Muǵalimder stýdııada onlaın-sabaqtar túsirip, vebınarlar men tikeleı kórsetilimder ótkize alady. Odan ári bundaı tájirıbeni basqa mektepterde de qoldanamyz. Buǵan qosa elektrondyq oqý baǵdarlamalary ázirlenip jatyr. Olar balalarǵa qandaı da bir taqyryptyń túsiniktemesin ınteraktıvti taqtadan anyq kórýge múmkindik beredi.

Ekinshi. Injenerlik jelilerdi sıfrlaý. Kósheler men dańǵyldar astynda myńdaǵan shaqyrym ınjenerlik kommýnıkasııa jatyr. Olar sý qubyry, elektr, káriz, baılanys jelileri. Ár adamnyń ómir súrý sapasy olardyń úzdiksiz jumysyna baılanysty. О́kinishke qaraı, mamandar jumys barysynda jıi kezdesetin problema – ınjenerlik jelilerdiń orny men jaǵdaıy týraly qaǵazdaǵy málimettiń shynaıy ahýalmen sáıkes kelmeýi. Osynyń saldarynan jeliler jarylyp, basqa da oqıǵalar kezdesip jatady. Al sıfrlaý bolsa bizge barlyq ınjenerlik jelini: júkteme men olardyń jaǵdaıyn kórýge múmkindik beredi. Bul óz kezeginde jóndeý jumystaryn ýaqytynda júrgizýge, qajet bolǵan jaǵdaıda qýatty arttyrýǵa, táýekelderdi azaıtýǵa jáne taǵy basqa áreketterge jol ashady. Qazir búkil qalanyń shamamen 50% sıfrladyq.

Úshinshi. Beınebaqylaý kameralary. «Sergek» kameralarynyń arqasynda jol apaty sanyn 20%, joldaǵy ólim-jitim kórsetkishin 40% tómendete aldyq. Qazir basqa vedomstvolardaǵy áriptesterimmen birge «Qaýipsiz aýla» jobasyn júzege asyryp jatyrmyz. Bul urlyq, bótenniń múlkin búldirý men basqa da zań buzýshylyqtar sanyn azaıtýǵa múmkindik beredi. Qaýipsizdik – bul eń mańyzdy nárse.

Sondaı-aq, turǵyn úı keshenderinde «aqyldy» shlagbaým men avtomashınanyń memlekettik nomerin tanıtyn júıelerdi ornatý boıynsha jobany iske qosqaly otyrmyz. Bul tehnologııa jedel qyzmet kólikterine úı aýlasyna esh kedergisiz kirýge múmkindik beredi. Jyl sońyna deıin turǵyn úı keshenderiniń 30% deıin «aqyldy» shlagbaýmmen qamtýdy josparlap otyrmyz.

Prezıdent halyqqa joldaýynda «sıfrlandyrý – barlyq reformanyń negizgi elementi» degen bolatyn», – dep jazdy Altaı Kólginov.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar