Qasym-Jomart Toqaevtyń Almatydaǵy rezıdensııasynda ótken kezdesý barysynda Qazaqstan ǵylymyn damytýǵa, otandyq ázirlemelerdi óndiriske engizýge, sondaı-aq, ǵylymı zertteýlerdiń ekonomıkalyq turǵydan maqsatqa sáıkestigine qatysty máseleler talqylandy.
Ulttyq ǵylym akademııasynyń prezıdenti Memleket basshysynyń adamı kapıtaldy qoldaýǵa, bilim men ǵylym salasyna ınvestısııa tartýǵa, ekonomıkanyń tehnologııalyq jáne básekege qabilettilik múmkindigin arttyrýǵa baılanysty Joldaýda aıtqan bastamalaryn qoldaıtynyn jetkizdi.
Qazaqstan Prezıdenti otandyq iri óndirýshilerdiń jumystaryna ǵylymı qoldaý kórsetýdiń mańyzdylyǵyn atap ótti. Onyń pikirinshe, ǵalymdar men bıznes ókilderiniń tyǵyz yqpaldastyǵy ınnovasııalardy engizip, ekonomıkalyq ósimdi qamtamasyz etý úshin jańa múmkindikterge jol ashady. Jalpy ǵylym elimizdiń ekonomıkasyna qyzmet etýge tıis.
