Saıasat • 26 Qyrkúıek, 2020

"QR – Eýropalyq Odaq" Yntymaqtastyq komıtetiniń 18-shi otyrysy ótti

29 ret kórsetildi

"Qazaqstan Respýblıkasy – Eýropalyq Odaq" Yntymaqtastyq komıtetiniń 18-shi otyrysy ótti, dep habarlaıdy Egemen.kz.

Qazaqstan Respýblıkasy Syrtqy ister mınıstriniń orynbasary Marǵulan Baımuhannyń jáne Eýropalyq syrtqy is-qımyldar qyzmetiniń Reseı, Shyǵys áriptestik, Ortalyq Azııa jáne EQYU boıynsha dırektory Lıýk Devınniń tóraǵalyǵymen beınekonferensııa rejıminde «Qazaqstan Respýblıkasy – Eýropalyq Odaq» Yntymaqtastyq komıtetiniń 18-shi otyrysy ótti.

Qazaqstandyq delegasııa quramyna Saýda jáne ıntegrasııa, Energetıka, Indýstrııa jáne ınnovasııalyq damý, Ulttyq ekonomıka mınıstrlikterin qosa alǵanda, QR toǵyz memlekettik organynyń ókilderi kirdi.

Kelissózderdiń basty taqyryptary 2020 jylǵy 1 naýryzda kúshine engen Keńeıtilgen áriptestik pen yntymaqtastyq týraly kelisimi (KÁYK) sheńberinde Qazaqstan men Eýropalyq Odaqqa múshe elder arasyndaǵy saıası dıalogty, kópjaqty saýda-ekonomıkalyq jáne ınvestısııalyq qatynastardy nyǵaıtý máseleleri boldy.

Beıne konferensııa barysynda QR men EO arasyndaǵy saýda, energetıka, qorshaǵan ortany qorǵaý, aýyl sharýashylyǵy jáne adam quqyqtary salasyndaǵy dıalogtyq platformalar jelisi boıynsha buryn qol jetkizilgen ýaǵdalastyqtardy iske asyrý boıynsha naqty pikir almasyldy, sondaı-aq Qazaqstan men Eýropalyq Odaq arasyndaǵy áýe qatynastaryn jolǵa qoıý jáne QR azamattary úshin vızalyq rejımdi jeńildetý máseleleri talqylandy.

Taraptar «Ortalyq Azııa – Eýropalyq Odaq» kezdesýleri sheńberinde óńiraralyq yntymaqtastyqty ilgeriletý, sondaı-aq Eýroodaqtyń Ortalyq Azııa boıynsha jańa strategııasy sheńberinde jańa óńirlik jobalardy ázirleý jáne iske asyrý máselelerine erekshe nazar aýdardy.

Kezdesý qorytyndysy boıynsha taraptar Qazaqstan – EO jáne Ortalyq Azııa – EO jelisi boıynsha aldaǵy kezdesýler sheńberinde qaralǵan máseleler boıynsha ózara is-qımyldy jalǵastyrýǵa kelisti.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar