Aımaqtar • 26 Qyrkúıek, 2020

Shekten shyqqan ahýal joq

14 ret kórsetildi

Qyrkúıek aıy bastalǵaly beri Soltústik Qazaqstan oblysynyń mektepterinde 20 oqýshydan jaman indet tabylǵan, dep habarlaıdy Egemen.kz.

Bul týraly keshe jýrnalısterge Oblystyq qoǵamdyq densaýlyqty saqtaý departamenti bastyǵynyń orynbasary Tatıana Gorlova jýrnalısterge aıtyp berdi.

Sol oqýshylardyń 7 mektepke baryp júrgender jáne 13 mektepten tys sabaq oqıtyndar. Bular Petropavl qalasy mektepterinde ǵana emes oblys aýdandarynyń mektepterinen tabylǵan. Oqýshylardyń boıynan jaman indet ashyq bilinbegen, báriniń de sımptomdary joq. Tek jótelgenge tumaýratyp qaldy ma dep dárigerlerge kórsetkende mamandar jaman indettiń bar-joǵyn teksertkende anyqtalǵan. Osy balalarmen tyǵyz aralasqan 109 adam tekserilip, olardyń birde bireýiniń boıynan jaman indet tabylmaǵan.  

T.Gorlovanyń aıtýyna qaraǵanda qazir boıynan indet tabylǵan balalar oqshaýlanyp, em-dom qabyldaýda. Olar oqıtyn mektepter de 7 táýlik karantınge jabylǵan. Sonymen birge balabaqshaǵa baratyn bir búldirshinniń boıynan da jaman indettiń belgisi tabylǵan. Bul bóbek te qazir oqshaýlanyp, tıisti em-domdar jasalýda. Balabaqshanyń ózi karantınge jabylǵan. Tyǵyz aralasqan adamdardyń bári tekserilip, olardyń aman ekendigi anyqtalǵan.

Osyndaıda alypqashpa daqpyrt jaman. Sensasııa izdeýdi qalaıtyn bireýler Soltústik Qazaqstanda balalar arasynan jaman indet tabylyp jatyr dep jalǵanǵa jar salyp jatyr. Mamannyń aıtýyna qaraǵanda ahýal shekten shyqqan joq, bári de qalypty jaǵdaıda. Sondyqtan ony jalaýlata berýdiń qajeti joq.

Soltústik Qazaqstan oblysy

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar