Aımaqtar • 26 Qyrkúıek, 2020

Pavlodar oblysynda taǵy eki aýyldan qus tumaýy anyqtaldy

14 ret kórsetildi

Pavlodar oblysynda taǵy eki aýyldan qus tumaýy anyqtaldy, dep habarlaıdy Egemen.kz Pavlodarnews.kz saıtyna silteme jasap.

Jelezın aýdandyq kásipkerlik jáne aýyl sharýashylyǵy bóliminiń basshysy Baýyrjan Qańtarbaevtyń aıtýynsha, Jańa juldyz aýylynda 1 qyrkúıekten bastap 2187 bas qus ólgen.

«Biz alǵan nátıjeler oń bolyp shyǵyp, dereý jerdi jyrtyp, aýyl shetine beket ornattyq. Dúısenbige qaraı biz joǵary patogendi qus tumaýynyń anyqtalýyna baılanysty Jańa juldyz aýylynyń aýmaǵynda karantın ornatý týraly aýyldyq okrýg ákiminiń sheshiminiń zańdy rastamasyn alamyz», - dedi Baýyrjan Qańtarbaev.

Epızootııaǵa qarsy toptyń qyzmetkerleri qazirdiń ózinde Jelezın aýdanyndaǵy Aqtaý aýylynda 1500-ge jýyq qustyń 300-ge jýyq basyn ustap, kózin joıǵan. Bunda karantın 23 qyrkúıekte engizildi.

QR AShM Veterınarlyq baqylaý jáne qadaǵalaý komıteti Pavlodar oblystyq aýmaqtyq ınspeksııasynyń basshysy Rashıd Nurbekov Ertis aýdanyndaǵy Aǵashoryn aýylynda 56 úı qusy ólip, saraptama nátıjesi qus tumaýyn anyqtaǵanyn aıtty.

«Erteń biz ol jerge turǵyndarmen túsindirý jumystaryn júrgizý úshin baramyz. Aýyl ákiminiń sheshimi tirkelgen boıda qustardy ustap, joıatyn bolamyz», - deıdi Rashıd Nurbekov.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar