Álem • 26 Qyrkúıek, 2020

Ushaq apaty: Ýkraınada Ulttyq aza tutý kúni jarııalandy

52 ret kórsetildi

Ýkraına Prezıdenti Vladımır Zelenskıı keshe Harkov oblysynda apatqa ushyraǵan áýe apatyna baılanysty osyndaı sheshim shyǵarǵan, dep habarlaıdy Egemen.kz.

Prezıdenttiń ózi apat oryn alǵan Harkov oblysyna bardy.

"Keshe óte qaıǵyly jaǵdaı oryn alyp, 25 azamatymyz oqıǵa ornynda, bireýi denesiniń kóp bóligin kúıik shalý saldarynan qaza tapty. Biz elimizdiń jas kýrsanttary men tájirıbeli áskerılerinen kóz jazyp qaldyq. Olardy alda uzaq ómir men kóptegen jeńis kútip tur edi. Munyń qanshalyqty aýyr ári orny tolmaıtyn qaza ekenin sózben aıtyp jetkizý múmkin emes. Qaza bolǵandardyń artynda qalǵan týystary men jaqyndaryn jubatarǵa sóz tabý qıyn", dep jazdy Zelenskıı óziniń Telegram-kanalynda.

Ol qaza bolǵan azamattardyń artynda qalǵan jaqyndaryna ótemaqy taǵaıyndaý qajettigin atap ótti. 

"Ýkraına óziniń er júrek uldaryn eshqashan umytpaıdy. Áýe apatynyń sebebin jedel anyqtaýdy talap etemin. Jáne zertteý jumystaryn obektıvti atqarylýy kerek", dedi ol. 

 

Ýkraınalyq BAQ premer-mınıstr Denıs Shmygal ushaqtyń apatqa ushyraýyna baılanysty mınıstrler kabınetiniń shuǵyl otyrysyn daıyndap jatqanyn habarlady.

Buǵan deıin Qazaqstan Prezıdenti Qasym-Jomart Toqaev Ýkraına Prezıdenti jedelhat joldap, kóńil aıtty.

Aıta keteıik, ushaqta Ivan Kojedýb atyndaǵy Harkov Ulttyq áýe kúshteri ýnıversıtetiniń áskerı ushqyshtary men kýrsanttary bolǵan. Jalpy ushaq bortynda 27 adam bolǵan kórinedi: 20 kýrsant jáne ekıpajdyń 7 múshesi. О́kinishke qaraı, onyń 25 qaza bolǵan.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar