Elorda • 26 Qyrkúıek, 2020

Elordadaǵy ShQO men Aqmola oblystarynyń jármeńkesi jeksenbi kúni jalǵasady

136 ret kórsetildi

Elordada Aqmola oblysy aýyl sharýashylyǵy ónimderiniń jármeńkesi ótip jatyr. Senbi-jeksenbidegi jármeńkege atalǵan óńirdiń 2 qalasy men 17 aýdanynan júzden astam taýar óndirýshi keldi, dep habarlaıdy Egemen.kz qala ákimdiginiń baspasóz qyzmetine silteme jasap.

Nur-Sultan qalasyndaǵy «Han Shatyr» SO alańynda aýyl sharýashylyǵy jármeńkesi ótip jatyr. Shyǵys Qazaqstan jáne Aqmola oblystary elordaǵa 735 tonna ónim ákeldi.

«Jalpy quny 225 mln teńgege 300 tonna bolatyn aýyl sharýashylyǵy ónimderin ákeldik. Onyń ishinde 150 tonna kartop, 45 tonna jylqynyń eti, Qazaqstanda ǵana emes, alys-jaqyn elderge tanymal balymyzdyń 45 tonnasy, sol sııaqty shemishkeniń maıy da bar. Al taýyq etin qus tumaýyna baılanysty bıyl ákele almadyq. Oblysymyz sýly-nýly bolǵandyqtan balyqtyń da túr-túrin de umyt qaldyrmadyq», – deıdi ShQO ákiminiń orynbasary Erjan Nurbaev.

L

Ákim orynbasary barlyq taýarlardyń sertıfıkattary men veterınarlyq anyqtamalary sekildi qujattary durys ekenin de atap ótti.

Shyǵys Qazaqstan oblysy Aıagóz aýdany Shubartaý aýylynan kelgen Ádemigúl Ádiljanova jylqy etin satady. Onyń aıtýynsha, bir jarym saǵat ishinde ónimniń kóp bóligi satylyp ketken.

«Maldy ózimiz soıyp, ózimiz múshelep bólemiz. Ekologııalyq taza, dalada jaıylǵan mal ekenine kepildik beremin. Etimiz deldaldarǵa ótip ketpeı, ózimiz satýǵa múmkindik berip otyrǵan oblys basshylyǵyna alǵysym sheksiz», – deıdi satýshy Ádemi Ádiljanova.

О́z ónimderin jármeńkege alyp kelgen Aqmola oblysy da taýarlarynyń sapalyǵyna aıryqsha mán beredi. Bul óńirden 435 tonna ónim jetkizildi.

«Búgin elordaǵa shamamen 150 tonna kókónis, 75 tonna et jáne et ónimderi, 35 tonna sút ónimderi, 3,5 tonna balyq, 40 tonnadan astam un alyp keldik. Munda biz oblysymyzdyń brendine aınalǵan, elimizde ǵana emes shetelde de tanymal taýarlarymyzdy jetkizdik. Naqtyraq aıtsam, «Gormolzavod», «Nátıje», «Astana ónim», «Aıbat» sekildi kompanııalar bar. Eń bastysy, bári ekologııalyq taza ári naryqtaǵy baǵadan 10-15 paıyz arzan», – deıdi Aqmola oblysy ákiminiń orynbasary Ǵalymjan Ábdihalyqov.

Máselen, 1 lıtr sútti jármeńkeden – 200 teńgege, kartoptyń 1 kılosyn nebári – 80 teńge alýǵa bolady. Al jylqynyń eti munda – 1800 teńgeden bastalady.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar