Qazaqstan • 27 Qyrkúıek, 2020

"Balapan" telearnasyna - 10 jyl

30 ret kórsetildi

Búgin qazaq televızııasy tarıhyndaǵy tuńǵysh balalar arnasy "Balapan" telearnasyna - 10 jyl, dep habarlaıdy Egemen.kz

Telearna "Qazaqstan" teleradıokorporasııasynyń quramynan 2010 jyldyń 27 qyrkúıeginde QR Tuńǵysh Prezıdenti - Elbasy N.Á.Nazarbaevtyń bastamasymen ashyldy.

10 jyl ishinde 246 televızııalyq joba, 19 telehıkaıa, 17 747 mınýtty quraıtyn 67 anımasııalyq mýlthıkaıa jasaldy. Qazaq kınoındýstrııasy tarıhynda "Balapan" telearnasy tuńǵysh ret balalarǵa arnalǵan "Sanjar men Qaısar" telehıkaıasyn, otandyq  mýlthıkaıalar túsirýdi qolǵa aldy.

"Balapan" arnasyn únemi kóretin balalar kórkem sóıleı bastady, sonymen birge qazaq tiliniń tereńdigin túsinedi. Balalardyń bilimdi, zamanaýı bolyp qalyptasýy úshin de arnanyń atqaryp otyrǵan róli zor. "Balapan" arnasynyń ashylýymen televızııadan alshaqtap ketken ertegi, besik jyry sııaqty janrlar qaıta oraldy. Munyń jas urpaqtyń boıyna ulttyq qundylyqtardy sińirýde mańyzy zor.

Bizdiń aldymyzda turǵan eń úlken strategııalyq maqsattardyń biri -  deni saý, bilimdi, tárbıeli, básekege qabiletti urpaq tárbıeleý. "Balapan" telearnasy osy baǵytta óte nátıjeli jumys istep jatyr deýge negiz bar", dedi  QR Parlamenti Senatynyń tóraǵasy Máýlen Áshimbaev "Qazaqstan" arnasyna bergen suhbatynda.

Osy ýaqytqa deıin "Balapan" arnasynyń aýdıtorııasy 0-den 12 jasqa deıin bolsa, bıylǵy jyldan bastap 0-den 8 jasqa deıin ózgerdi.

"Bul - úlken zertteýler nátıjesinde jasalǵan qadam. 8 jasqa deıingi balalar mýltfılm izdeıtini anyq. Osy talap údesinen shyǵý úshin anımasııalyq jobalar óndirisin arttyrdyq. Bıylǵy jyly efırdegi anımasııanyń úlesi 80 paıyzdy qurap otyr jáne bul kórsetkish jyl sanap arta beredi. Búginde "Balapan" telearnasynyń anımasııalyq ónimderi eldegi jalpy anımasııa óndirisiniń 90 paıyzyn quraıdy", - dep atap ótti "Qazaqstan" RTRK" AQ Basqarma tóraıymy L.Tanysbaı óz sózinde.

Ashylǵanyna 10 jyl tolǵan arna bıyldan bastap úzdik sheteldik mýlthıkaıalardyń telequqyǵymen qosa ınternet quqyqtaryn satyp alý bastamasyn alǵash bolyp júzege asyrdy. Jyl sońyna deıin arna kórermenderi jalpy sany 800 bólimnen asatyn anımasııalyq týyndalardy "Balapan"-nyń You Tube-arnasynan qazaq tilinde tamashalaı alady.

Odan bólek, arna óndirgen "Tynymsyz shójeler", "Sábı", "Erkeler", "Shahmat patshalyǵy", "Pyraqtar" syndy 5 anımasııalyq joba AQSh jáne Latyn Amerıkasy elderiniń kabeldik arnalary arqyly ıspan, aǵylshyn, portýgal tilderinde kórsetiledi. Kelisimshart AQSh-tyń jelilik jáne spýtnıktik habar taratý qyzmetin júzege asyratyn "Olympusat" kompanııasymen jasaldy. Arna óndirgen "Kúlki izdegen Kúnekeı", "Sábı", "Erkeler" mýlthıkaıalary  TMD-daǵy eń tanymal IVI.RU onlaın platformasyna salynady.

Kúzgi maýsymda "Balapan" telearnasy jalpy sany 253 bólimnen turatyn 17 otandyq anımasııalyq týyndy usynady. Táýligine 17 saǵat habar taratatyn arnanyń "Otau TV" jelisinde 1 mln 400 myń abonenti bar, kabeldik jeli arqyly 1 mln kórermen qamtylady. Arna jalpy el turǵyndarynyń 84 paıyzyna qoljetimdi. 

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar